Búgin Almaty qalasynyń ákimi Baqytjan Saǵyntaev koronavırýs juqtyrǵan naýqastardyń 30%-ǵa jýyǵynyń aǵa býyn ókilderi ekendigine alańdaýshylyq bildirdi, dep habarlaıdy Egemen.kz.
Atap aıtqanda, KVI juqtyrǵan naýqastar arasynda 40-59 jastaǵylar – 288 (32%) adam, 60 jas pen odan joǵary jastaǵylar – 240 (27%) adam.
Sondyqtan B. Saǵyntaev qala turǵyndaryn egde jastaǵy jaqyndaryna janashyrlyq tanytýǵa shaqyrdy.
«Jastar sanıtarlyq-epıdemııalyq qaýipsizdik sharalaryn saqtamaı, adamdar kóp shoǵyrlanǵan jerlerge baryp, vırýsty úıge ákeledi, ata-analary men týystaryna juqtyrady. Sondyqtan men barshańyzdan qyraǵylyq pen saqtyq tanytýlaryn suraımyn», - dedi B.Saǵyntaev.
Epıdemıologııalyq zertteýler nátıjesinde 1 qazannan 16 qarasha aralyǵynda KVI ınfeksııasynyń juqtyrý oqıǵasynyń 53%-y qoǵamdyq oryndarda bolǵandyǵy anyqtaldy, olar: saýda jáne oıyn-saýyq ortalyqtary, dúkender, bazarlar jáne qoǵamdyq kólikter. Úıdegi naýqaspen, sımptomsyz juqtyrýshy, jastarmen baılanysta bolǵandardyń 23%-y KVI ınfeksııasyn juqtyrǵan. Jumysta KVI naýqasymen baılanysta bolǵandardyń 17%-y ınfeksııa juqtyrǵan. 4%-KVI-di shetelden ákelgender.
B. Saǵyntaevtyń aıtýynsha, Almaty qalasynyń turǵyndary men qala qonaqtary sanıtarlyq-epıdemııalyq qaýipsizdik sharalaryn qatań saqtaýlary tıis.
B.Saǵyntaev KVI pandemııasynyń yqtımal ekinshi tolqynyna daıyndyq týraly aıta kelip, Almatyda kovıdtik gospıtalderde rezervtik oryndardyń qurylǵanyn eske saldy. Qýattylyǵy 7226 tósek-oryn bolatyn 32 kovıdtik stasıonar ázirlendi, onyń 250-i jansaqtaý oryndary.
Sońǵy aılar ishinde eki jańa emhana salyndy – 500 tósek-oryndy ınfeksııalyq gospıtal; 300 tósek-oryndy jańa modýldi stasıonar.
AMSK jumysy kúsheıtildi. 74 emhanada 298 mobıldi brıgada jumys isteıdi. Telemedısına ortalyǵy quryldy. Qaýipti toptaǵy naýqastarmen telemedısına ortalyǵynyń jetekshi mamandary jumys isteıdi.
Farmpreparattar jáne medısınalyq zattarynyń 10 mlrd teńgeni quraıtyn turaqtandyrý qory jumys jasaýda. Turaqtandyrý qornyń aıasynda 2021 jyldyń aqpanyna deıin qajetti 68 ataýly dári-dármek qory jasalǵan.
Almaty ákimi B. Saǵyntaev KVI ahýalynyń nasharlaýyna qalanyń daıyn ekenin, biraq azamattardyń ózderi jeke jaýapkershilik tanytyp, belgilengen karantındik erejelerdi saqtaýlary tıis ekenin atap ótti.