Shyǵys Qazaqstan oblysynyń ákimi Danıal Ahmetov Alakóldegi týrıstik demalý oryndaryn damytý jaıynda tolyǵyraq aıtyp berdi, dep habarlaıdy Egemen.kz
"Aldaǵy taıaý jyldarda týrızmdi damytýǵa erekshe ekpin qoıylyp otyr. 4 jylda Alakól basseıni aýmaǵyna 24 mlrd teńge eskerilgen. Qazirgi kezde 11 mld teńge ıgerilip, ınfraqurylym salyndy. Sonymen qatar týrıstik keshenderdiń qurylysyna arnalǵan jer ýchaskeleri daıyndaldy. Osylaısha, bul baǵyttaǵy jumystar jalǵasyp jatyr", dedi ákim búgin Ortalyq kommýnıkasııalar qyzmetinde.
Onyń sózine qaraǵanda, atalǵan demalys oryndaryna keletin týrıster sany edáýir artatyn bolady.
"Bıylǵy qıyndyqtarǵa qaramastan, 600 myń týrıst kelse, aldaǵy eki jylda 1 mln týrıst saparlaıdy dep aıta alamyn", dedi Danıal Ahmetov.
Shyǵys Qazaqstan oblysynyń basshysy búgingi baspasóz máslıhatynda oqýshylardyń koronavırýs juqtyrý jaǵdaılaryna da qatysty túsinik berdi. Sonymen birge óńirdiń damý deńgeıi týraly málimetpen bólisti.