Búginde Taraz qalasynda jergilikti turǵyndardy baspanamen qamtý maqsatynda jańadan 15-yqshamaýdany boı kóterýde. Jyl saıyn turǵyn úı kezeginde turǵan jurtshylyq baspanaly bolýda. Qazaqstan Respýblıkasynyń Tuńǵysh Prezıdenti kúnine oraı atalǵan yqshamaýdanda ornalasqan №25 turǵyn úı paıdalanýǵa berildi. Jambyl oblysynyń ákimi Berdibek Saparbaev páter kiltterin tapsyrý saltanatyna arnaıy qatysyp, baspanaly bolǵan turǵyndardy quttyqtady, dep habarlaıdy Egemen.kz.
«Baspana – qaı ýaqytta da ózekti másele. Qala halqynyń sanynyń ósýimen turǵyn úıge degen suranys kólemi de ulǵaıýda. Táýelsizdik jyldary elimizde Elbasynyń basshylyǵymen qazaqstandyqtardy turǵyn úımen qamtamasyz etý boıynsha úlken jumystar atqaryldy. Memlekettik baǵdarlamalar júzege asyrylyp, nátıjesinde myńdaǵan, mıllıondaǵan qazaqstandyqtyń armany aqıqatqa aınaldy», dedi Berdibek Saparbaev.
Sonymen qatar oblys ákimi elimizde qolǵa alynǵan turǵyndardy qoljetimdi baspanamen qamtamasyz etý baǵytyndaǵy jumystardyń óńirde de jemisti júzege asyrylyp jatqanyn, bıylǵy jyldyń ózinde 1000-ǵa jýyq páter el ıgiligine berilgenin jetkizdi. Áýlıeata aımaǵynda áleýmettik qoldaýdy qajet etetin otbasylarǵa arnalǵan 180 oryndyq jataqhana boı kóterip, 180 turǵyn baspanaly bolǵan. Al, búginde oblys boıynsha 65 turǵyn úıdiń qurylysy júrgizilýde eken. Aǵymdaǵy jyly 55 turǵyn úıdiń qurylysy aıaqtalady dep josparlanǵan. Sondaı-aq, ákim bıyl eń kem degende 605 myń sharshy metr turǵyn úı paıdalanýǵa beriledi dep josparlanǵanyn, ol úshin barlyq múmkindikter qarastyrylǵanyn, oblysta aldaǵy ýaqytta da turǵyn úı qurylysy qarqyn ala beretinin aıtty.
Búginde Taraz qalasynyń ózinde 32 myń 121 turǵyn páter kezeginde tur eken. Kezekte turǵan azamattardy baspanamen qamtý oblystaǵy mańyzdy máseleniń biri. Sondyqtan da «Nurly jer» baǵdarlamasy aıasynda 17,5 mıllıard teńgege 48 kóppáterli turǵyn úıdiń qurylysy júrgizilip, jyl sońyna deıin 2 260 páterli 41 úı el ıgiligine tapsyrylatyn bolady.
Sondaı-aq «7-20-25» baǵdarlamasy sheńberinde aǵymdaǵy jyly ekinshi deńgeıli bankter arqyly óńirdegi 102 azamat 668,4 mıllıon teńgege nesıe rásimdep, baspanaǵa qol jetkizgen. Al, oblysta «Baqytty otbasy» baǵdarlamasy da oń nátıjesin berýde. «Taǵy bir aıryqsha aıta keter jaıt, 15-yqshamaýdan turǵyndary tarapynan áleýmettik jelide, baspasózde jol, jylý, aýlalardy abattandyrýǵa baılanysty kóptegen másele kóterilip jatyr. Máseleniń bar ekenin eshkim joqqa shyǵara almaıdy. Alaıda, barlyq nárseniń óz sebebi bar. Máselen, jolǵa baılanysty. Qazirgi tańda atalǵan yqshamaýdanda qurylys jumystary qarqyndy júrgizilýde.
Qurylys jumystaryna jumyldyrylǵan tehnıkalardyń ol jolmen kúndelikti san márte ótýine baılanysty, qazir jańadan jol salynsa, ol kópke uzamaı jaramsyz kúıge túsedi. Sol sebepti aldaǵy ýaqytta barlyq másele kezeń-kezeńimen sheshimin tabady. Jylý máselesi boıynsha keshe ǵana apparattyq jıynda jaýapty mekeme basshylaryna naqty tapsyrmalar berildi», dedi Berdibek Saparbaev. Saltanatty shara sońynda baspanaly bolǵan turǵyndar atynan qala turǵyny Abaı О́mirtaı memlekettiń qoldaýy úshin alǵys bildirdi.