Tuńǵysh Prezıdent - Elbasy kúnine oraı "Nazarbaev faktory" atty jańa derekti fılm kórsetiledi, dep habarlaıdy Egemen.kz.
Prezıdent Teleradıokesheni ázirlegen "Nazarbaev faktory" derekti fılminde Qazaqstan Respýblıkasynyń Tuńǵysh Prezıdenti - Elbasy Nursultan Nazarbaevtyń negizgi bastamalary týraly baıandalady. Fılmge qatysýǵa 15 adam shaqyrylǵan. Olardyń ishinde tanymal memleket jáne qoǵam qaıratkerleri bar.
Derekti fılmde belgili qoǵam jáne memleket qaıratkerleri Elbasynyń Qazaqstan memlekettiligin qalyptastyrýǵa múmkindik bergen negizgi bastamalary týraly aıtady. Spıkerler syrtqy saıasatty, ekonomıkany, saıası jáne qoǵamdyq jańǵyrtýdy, qazaqstandyq patrıotızmdi tárbıeleýdi qosa alǵanda, eń keń aýqymdy máseleler boıynsha eldiń damýy týraly óz oılarymen bólisedi. Fılm búginnen bastap otandyq telearnalardan kórsetiledi.