Tuńǵysh Prezıdent kúni merekesi qarsańynda Beıimbet Maılın aýdanyndaǵy Tobyl stansııasynda «Aýyl – el besigi» baǵdarlamasy boıynsha kúrdeli jóndeýden ótken dárigerlik ambýlatorııa paıdalanýǵa berildi. Medısınalyq mekemeniń qaıta ashylý rásimine oblys ákiminiń orynbasary Erlan Spanov arnaıy kelip qatysty, dep habarlaıdy Egemen.kz.
"Ambýlatorııa eldi mekendegi 7,5 myń adamǵa qyzmet etedi. Mundaǵy dárigerler bir aýysymnyń ózinde shaqyrtý boıynsha 30-dan astam mekenjaıǵa baryp, alǵashqy medısınalyq kómek kórsetedi. Bıyl ambýlatorııadaǵy mamandar qatary jańa kadrlarmen tolyqty. Onyń biri – jańa oqý bitirgen jas maman, ekinshisi – Jambyl oblysynan kóship kelgen tájirıbeli dáriger. Ambýlatorııa bir aýysymda 35 naýqasty qabyldaıdy, 15 tósek-oryn bar", - dedi oblys ákiminiń orynbasary.
Tobyl dárigerlik ambýlatorııasyna bıyl "Aýyl – el besigi" baǵdarlamasy aıasynda 191 mln teńge qarjy bólinip, emdeý mekemesi ǵımaratynyń shatyry, qasbeti, ishki bólmeleri tolyq jańartylyp, jańa jıhazdar men zerthanalyq jabdyqtar satyp alyndy.