Qostanaı oblysy polısııa departamentiniń bas ǵımaratynda Tuńǵysh Prezıdent kúni merekesine oraı, «Uly tulǵa esimi – máńgi tarıh besigi» atty kitap kórmesi ashyldy.
L.Tolstoı atyndaǵy oblystyq ámbebap ǵylymı kitaphanasy men departament ujymy birlesip uıymdastyrǵan is-shara barysynda Elbasynyń ómir joly, jastyq shaǵy, qoǵamdyq-saıası qyzmeti týraly qazaq jáne orys tilderindegi kitaptar men basylymdar kópshilik nazaryna usynyldy.
– Tuńǵysh Prezıdent Nursultan Ábishuly Nazarbaevtyń eńbek joly men Táýelsiz Qazaqstannyń qalyptasý tarıhy egiz. Elbasynyń ár jyldary Qostanaı oblysyna kelgen jumys sapary kezinde túsirilgen fotosýretter de osy kórmeden oryn alǵan. Bul fotosýretterdiń ózi búginde tarıhtan syr shertetin shejire qujatqa aınalǵan. Tuńǵysh Prezıdent kezinde osy óńirdegi kóptegen iri kásiporynnyń ashylý rásimine tikeleı qatysyp, batasyn bergen. Búginde sol óndiris oshaqtarynyń bári tabysty jumys istep, elimizge sapaly ónimimen tanylyp otyr. Sondyqtan Tuńǵysh Prezıdenttiń ómir jolyn zerdeleı otyryp, Qostanaı oblysynyń da táýelsizdik jyldaryndaǵy qalyptasý, damý tarıhyn kórýge bolady, – deıdi polısııa maıory Rınat Kenjebaev.
Qostanaı oblysy