Qazaqstan Respýblıkasy Tuńǵysh Prezıdentiniń kúnine oraı Elbasy Nursultan Nazarbaevtyń atyna álemdik saraptamalyq qaýymdastyqtardyń, ǵalymdardyń Eýrazııa ekonomıkalyq klýbynyń qurmetti professorlary jáne Nobel syılyǵy laýreattary Astanalyq klýbynyń músheleri atynan kóptegen quttyqtaýlar túsýde.
Qazaqstan Respýblıkasy Tuńǵysh Prezıdentiniń kúnine oraı Elbasy Nursultan Nazarbaevtyń atyna álemdik saraptamalyq qaýymdastyqtardyń, ǵalymdardyń Eýrazııa ekonomıkalyq klýbynyń qurmetti professorlary jáne Nobel syılyǵy laýreattary Astanalyq klýbynyń músheleri atynan kóptegen quttyqtaýlar túsýde.
Mark ÝZAN,
jańartylǵan Bretton-Výds komıtetiniń
atqarýshy dırektory.
Sońǵy úsh jyl ishinde men, Nazarbaev myrza, Sizben kezdesýge múmkindik berilgen Astana ekonomıkalyq forýmyna qatysý qurmetine ıe boldym. Men Forým kezinde ıdeıa almasýdan úlken lázzat aldym jáne osyndaı aýyr ótpeli kezeńde jahandyq qarjylyq sáýlet isin reformalaý qajettigine nazar aýdarǵanyńyzǵa tańǵaldym. Men, sondaı-aq, Sizdiń búgingi kún men bolashaqtyń máselelerin sheshý úshin búkil álem boıynsha qatysýshylardy tartýdyń eń jaqsy platformasy sanalatyn daǵdarysqa qarsy bastamańyzǵa (G-Global) tánti boldym.
Men Sizdi shyn júrekten quttyqtaımyn jáne Sizge densaýlyq, baqyt jáne sáttilik tileımin. Kelesi jyly ótetin Astana ekonomıkalyq forýmynda Sizben kezdesýdi asyǵa kútemin.
* * *
Fılıpp Nobel,
Nobel halyqaralyq týystyq tóraǵasy,
Togrýl Bagırov,
Nobel murasy Baký qorynyń tóraǵasy,
Gýstav Nobel,
Nobel senimi Trastynyń tóraǵasy.
Eýrazııa qaýymdastyǵy «Nobel halyqaralyq týystyǵy, Nobel murasy Baký qory, Nobel senimi Trasty atynan biz Sizge 1 jeltoqsan – tarıh úshin tótenshe mańyzdy kúni eń jaqsy tilekterimizdi bildirgimiz keledi.
Eýrazııa ekonomıkalyq ǵalymdar klýby qaýymdastyǵynyń qyzmetine jáne jyl saıyn Astana ekonomıkalyq forýmy jumysyna qatysýdyń ózi úlken sáttilik, sondyqtan biz Sizdiń elińizdiń halyqaralyq qaýymdastyqtyń bóligi bola otyryp, órkendep kele jatqanyna tek qana óz tańdanysymyzdy jetkizemiz.
Joǵary mártebeli, Sizdiń osyndaı qysqa merzimde qol jetkizgen jetistigińiz – ulttyq deńgeıde ǵana emes, halyqaralyq aýqymda mańyzdy is. Bizdiń pikirimizshe, Eýrazııa ekonomıkalyq ǵalymdar klýby qaýymdastyǵy osyndaı jetistikke qol jetkizý jolyndaǵy mańyzdy qural men faktordyń biri bolyp tabylady!
Bizdiń yntymaqtastyǵymyzdyń tereń tarıhy bar, sondyqtan, Sizdiń rýhtandyratyn basqarýyńyzben bolashaqta ári qaraı da ózara árekettestigimizdi nyǵaıtatynymyzǵa kámil senemiz.
* * *
Rıchard ROBERTS,
Psıhologııa jáne medısına boıynsha 1993 jylǵy Nobel syılyǵynyń laýreaty.
1 jeltoqsan – Qazaqstan Respýblıkasy Tuńǵysh Prezıdenti kúnin merekeleýge baılanysty Sizge jáne qazaq halqyna izgi tilegimdi qabyl alýyńyzdy suraımyn.
Men bizdiń bolashaqta qaıta kezdesýge múmkindigimiz bolady dep senemin.
* * *
Vıllem KOK,
Madrıd klýbynyń prezıdenti, 1994-2002 jyldar aralyǵyndaǵy Nıderlandy Premer-mınıstri.
Men 1 jeltoqsan – Qazaqstan Respýblıkasynyń ulttyq meıramyn merekeleýge baılanysty ózimniń shynaıy tilegimdi bildirgim keledi. Madrıd Klýby músheleri men hatshylyǵy atynan men Sizge jáne Qazaqstan halqyna máńgilik amandyq tileımin jáne uzaq jyldar boıy órkendeýine tilektespin.
Sondaı-aq, osyndaı mańyzdy kúni maǵan sizderdiń qonaqjaılyqtaryńyz ben barynsha qoldaý kórsetkenderińizge alǵys bildire otyryp, ózimniń jáne áriptesterimniń atynan jyl saıyn ótkiziletin Astana ekonomıkalyq forýmy jáne jahandyq jarylystarǵa qarsy kúresý úshin qurylǵan basqa da mańyzdy halyqaralyq bastamalarǵa udaıy qatysatyndyǵymyzdy jetkizýge ruqsat etińizder.
Men bizdiń ózara tıimdi jáne ónimdi yntymaqtastyǵymyz ári qaraı nyǵaıa jáne tereńdeı túsetinine senemin.
* * *
Ádilbek JAQSYBEKOV,
Qorǵanys mınıstri.
Qurmetti Otan qorǵaýshylar!
Sizderdi memlekettik mereke – Qazaqstan Respýblıkasynyń Tuńǵysh Prezıdenti kúnimen quttyqtaımyn. Búgin bizdiń armııamyz el Prezıdenti – Qazaqstan Respýblıkasy Qarýly Kúshteriniń Joǵarǵy Bas qolbasshysy Nursultan Nazarbaevtyń únemi qoldaýynyń arqasynda TMD elderi áskerleri arasynda kósh bastady. Bizdiń Qarýly Kúshterimizdiń qýaty men qaýqary halyqaralyq jattyǵýlarda jáne 2013 jyly 7 mamyrda ótkizilgen Jaýyngerlik paradta keńinen kórsetildi. Sizder ózderińizdiń joǵary áskerı sheberlikterińizdi, jaýyngerlik ózara is-qımyl tanytýdaǵy deńgeılerińizdi, is júzinde óz isterińizdiń kásibı sheberi ári naǵyz patrıot ekendikterińizdi tanyttyńyzdar!
Biz Joǵarǵy Bas qolbasshymyzdyń: «Qazaqstandyq áskerı qyzmetshi árqashan patrıotızmniń etalony jáne jas urpaqqa úlgi bolýǵa tıis», degen keńesin este saqtap, kúndelikti basshylyqqa alýǵa mindettimiz.
Sizderge jáne sizderdiń týystaryńyzǵa densaýlyq, baqyt jáne Otanymyzǵa beıbit aspan tileımin!
* * *
«Nur Otan» partııasynyń resmı portaly.
«Qazaqstan Respýblıkasynyń Tuńǵysh Prezıdenti kúnimen barsha qazaqstandyqtar men nurotandyqtardy shyn júrekten quttyqtaımyz!» dep jazady portal.
1991 jylǵy 1 jeltoqsanda Táýelsiz Qazaqstannyń alǵashqy jalpyhalyqtyq saılaýy ótken edi. Sondyqtan bárimizge ortaq merekede Otanymyzdyń ıgiligi men kórkeıýi jolynda árbirińizge jemisti eńbek pen tolaǵaı tabys tileımiz. Shańyraqtaryńyz shattyqqa tolyp, denderińiz saý, isterińiz berekeli bolsyn, delingen habarlamada.