Koronovırýs ınfeksııasymen kúreske atsalysqan 100 medısına qyzmetkerine Aqmola oblysy, Býrabaıda ornalasqan Shýchınsk demalys ornyna tegin joldama berildi. Sondaı-aq, kásipodaq uıymdarynyń múshelerine 30 paıyzdyq jeńildikpen demalys oryndaryna joldama qarastyryldy. Bul týraly О́ńirlik kommýnıkasııalar qyzmetiniń aqparattyq alańynda oblystyq kásipodaqtar ortalyǵynyń tóraǵasy Serik Sermaǵambetov málimdedi.
Tótenshe jaǵdaı jarııalanǵan naýryz aıynan bastap oblystaǵy kásipodaq uıymdarymen barlyǵy 37 453 500 teńge qarajat qoldaý sharalaryna jumsaldy. Onyń ishinde 28 mıllıon 851 myń qarajatqa qaıyrymdylyq kómek kórsetilse, 8 mıllıon 602 myń qarajat kásipodaq uıym múshelerine betperde, antıseptık sekildi qorǵanysh quraldary alyndy. Pandemııaǵa baılanysty oblystyq kásipodaqtardyń arnaıy shtaby quryldy. Eńbek ujymdaryndaǵy ahýalǵa qatysty kúndelikti monıtorıng júrgizdi.
– О́zderińiz bilesizder, karantın talaptary kúsheıtilgen tusta kópshiligi qashyqtyqtan jumys jasady. Jumysshylardyń aqyly, aqysyz demalysqa shyǵýy, qashyqtyqtan jumys jasaýy, eńbekke jaramsyzdyq týraly shuǵyl aqparattar jınaqtadyq. Túrli máseleler týyndady. Vahtalyq jumyskerlerdiń jumys rejımderi, olardyń testten ótýi, jumysqa barmaǵan jumyskerlerdiń jalaqysy saqtalýy, qaladaǵy úzdiksiz jumys jasaıtyn strategııalyq mańyzy bar jumys oryndarynyń, medısına mekemeleri jumyskerleriniń jumysqa qatynaýy. Kemshilikterdi der kezinde anyqtap, qalypqa keltirýine atsalystyq. Arnaıy qyzý jelisin iske qostyq. Búginge deıin 886 habarlama túsip, barlyǵyna jaýap berildi, - dedi oblystyq kásipodaqtar ortalyǵynyń tóraǵasy Serik Sermaǵambetov.