14 aqpanda Qazaqstan boıynsha, sonyń ishinde Almaty men Shymkent qalalarynda jáne 14 óńirde daýyldy eskertý jarııalandy. Sınoptıkterdiń málimetinshe el boıynsha qar, jańbyr, boran, kóktaıǵaq jáne tuman kútiledi. Eldiń shyǵysynda qolaısyz meteorologııalyq jaǵdaı saqtalady, dep habarlaıdy Egemen.kz «Qazgıdrometke» silteme jasap.
Soltústik Qazaqstan oblysynyń batysynda tuman kútiledi. Ońtústik-batystan soǵatyn jeldiń ekpini batysta, soltústikte jáne ońtústikte sekýndyna 15-20 metrge deıin jetedi. Petropavl qalasynda da jeldiń ekpini sekýndyna 15-20 metr bolady.
Qostanaı oblysy batysynda, soltústiginde jáne shyǵysynda tuman boljanady.
Pavlodar oblysy batysynda, soltústiginde jáne shyǵysynda tuman kútiledi.
Shyǵys Qazaqstan oblysy soltústigi men ońtústiginde tuman bolady. О́skemen jáne Rıdder qalalarynda ekinshi dárejeli qolaısyz meteorologııalyq jaǵdaı (QMJ) týraly eskertý saqtalady.
Abaı oblysy aýmaǵynda tuman kútiledi. Semeı qalasynda da ekinshi dárejeli qolaısyz meteorologııalyq jaǵdaı kúshinde.
Almaty oblysy taýly aýdandarynda kúndiz keı ýaqytta qalyń qar jaýady. Túnde soltústikte, ońtústikte jáne taýly aımaqtarda, kúndiz kóktaıǵaq bolady. Qonaev pen Almatyda keı ýaqytta tuman men kóktaıǵaq kútiledi.
Jetisý oblysy soltústigi men ortalyǵynda kúndiz joldarda kóktaıǵaq bolady. Taldyqorǵan qalasynda da joldarda kóktaıǵaq kútiledi. Alakól kólderi mańynda jel ekpini sekýndyna 25 metrge deıin jetýi múmkin.
Jambyl oblysy ońtústiginde, soltústiginde jáne taýly aýdandarynda kóktaıǵaq, keı ýaqytta tuman boljanady. Taraz qalasynda da tuman men kóktaıǵaq kútiledi.
Túrkistan oblysy aýmaǵynda jaýyn-shashyn (jańbyr, qar), túnde jáne tańerteń ońtústigi men taýly aýdandarynda qalyń jaýyn-shashyn, kóktaıǵaq bolady. Túrkistan men Shymkentte tuman kútiledi.
Qyzylorda oblysy ońtústigi men ortalyǵynda tuman bolady. Qyzylorda qalasynda da keı ýaqytta tuman túsedi.
Aqtóbe oblysy soltústiginde, shyǵysynda jáne ortalyǵynda túnde jáne tańerteń tuman kútiledi. Muǵaljar aýdanynda tómengi boran bolýy múmkin.
Batys Qazaqstan oblysy batysynda, soltústiginde jáne shyǵysynda tuman boljanady. Oral qalasynda da túnde jáne tańerteń tuman kútiledi.
Atyraý oblysy batysynda, soltústiginde jáne ońtústiginde tuman bolady. Keı jerlerde shańdy daýyl soǵady. Atyraý qalasynda da túnde jáne tańerteń tuman kútiledi.
Mańǵystaý oblysy batysynda, soltústiginde jáne ortalyǵynda tuman boljanady. Jel ekpini sekýndyna 15-20 metrge deıin jetedi.