Áýe kemelerinde paıda bolatyn tótenshe jaǵdaılar kóptegen adam ólimine ákeledi. Osyǵan baılanysty, «Shymkent áýejaıy» AQ áýejaıynyń aýmaǵynda áýe kemesinde týyndaǵan shartty órtti sóndirý boıynsha órt-taktıkalyq oqý-jattyǵý ótti, dep habarlaıdy Egemen.kz.
О́rt-taktıkalyq oqý-jattyǵýdy ótkizý maqsaty: áýe kemesiniń avarııalyq qonýy kezinde qutqarý qyzmetterin daıarlaý, shartty órtti sóndirý, jolaýshylardy qaýipsiz jerge qutqarý jáne evakýasııalaý, áýe kemesindegi órtti sóndirý ereksheligi men taktıkasyn pysyqtaý, sondaı-aq qutqarý qyzmetteriniń ózara is-qımylyn odan ári arttyrý.
О́rt-taktıkalyq oqý-jattyǵýdyń taktıkalyq oıyna sáıkes shartty órt Almaty-Shymkent baǵyty boıynsha «SKAT» avıakompanııasynyń AN-24 ushaǵynyń «Shymkent áýejaıy» AQ áýejaıyna avarııalyq qonýy nátıjesinde oryn aldy. Bortta 40 jolaýshy jáne 4 ekıpaj múshesi bar. Ushý basshysy júıe boıynsha «Dabyl» sıgnalyn qulaqtandyrý jáne áýejaı qyzmetteriniń avarııalyq-qutqarý komandasyn ázirlikke keltirý týraly sheshim qabyldaıdy.
Áýejaıdyń dıspetcherlik qyzmeti bolǵan jaǵdaı týraly áýejaı basshylaryna jáne «101» pýltine habarlaıdy. №2 shaqyrýdyń joǵary dárejesi boıynsha oqý-jattyǵý ornyna kúshter men quraldar jiberildi. Shaqyrý ornyna kelgen Shymkent qalasy TJD О́rt sóndirý jasaqtary áýe kemesiniń órtin joıýǵa jáne ekıpaj ben jolaýshylardy qutqarýǵa kirisedi. Shartty túrde tógilgen otyndy sóndirý jáne ushaqtyń fıýzelıajyn salqyndatý úshin kóbik oqpandaryn berý júzege asyryldy.
Bólimsheler aldyna qoıylǵan mindetterdi oıdaǵydaı oryndady, sonyń nátıjesinde shartty órt der kezinde joıyldy. Oqý-jattyǵý barysynda áýejaı qyzmetteri men ózara is-qımyl jasaıtyn qyzmetterdi habardar etý, avarııalyq jaǵdaı ornyna kelý jáne ilesip júrý máseleleri pysyqtaldy.
Oqý-jattyǵýǵa 10 tehnıka, Shymkent qalasy TJD «О́SjáneAQJQ» MM-nyń, jedel-qutqarý jasaǵynyń ofıserlik jáne jeke quramy, Apattar medısınasy ortalyǵy fılıalynyń qyzmetkerleri, jedel-járdem medısınalyq kómek brıgadasy jumyldyryldy.