2020 jyly Almatyda 2396 myń sharshy metr turǵyn úıdi paıdalanýǵa berý josparlanǵan. Onyń ishinde kommersııalyq qurylys jelisi boıynsha 17 420 páter men 2062 jeke úı, memlekettik bıýdjetten qarajaty esebinen 5206 páter men jalpy kólemi 4,6 myń sharshy metr bolatyn jataqhana turǵyzý kózdelgen, dep habarlaıdy Egemen.kz.
– Almatydaǵy qurylystyń jáı-kúıi týraly qalalyq josparlaý jáne ýrbanıstıka basqarmasynyń basshysy Almashan Ahmedjanov aıtyp berdi.
"Almatyda 2020 jyldyń qańtar-qazan aılary aralyǵynda 1609 myń sharshy metr turǵyn úı nemese 12 925 páter paıdalanýǵa berildi. Sondaı-aq 1722 jeke úıler salyndy. Memleket qazynasy esebinen 120 páter salyndy. Qala ákimi Baqytjan Saǵyntaev aıtqandaı karantınge jáne epıd ahýalǵa qaramastan turǵyn úı qurylysynyń qarqyny josparlanǵan deńgeıde qaldy. Tipti byltyrǵy kórsetkishterden de asyp tústi", – deıdi Ahmedjanov.
Jyl sońyna deıin 785 myń sharshy metr nemese 8,5 myń páter paıdalanýǵa berilmek. Kommersııalyq qurylys jelisi boıynsha – 421 myń sharshy metr nemese 4615 páter, 332 jeke úı nemese 83 myń sharshy metr, memlekettik qarjy esebinen 281 myń sharshy metr nemese 3849 páter turǵyzylmaq.
Sonymen qatar jyl aıaǵyna deıin qosymsha 208,6 myń sharshy metr nemese 2384 páter jáne 56 jeke úıdi turǵyndar ıgiligine berý josparlanǵan. Onyń kommersııalyq qurylys jelisi boıynsha salynatyny 194 myń sharshy metr nemese 2384 páter jáne 56 jeke úı nemese 14 myń sharshy metr.
"Jyl sońynda 2604,9 myń sharshy metr nemese 25 007 páter jáne 2110 jeke úıdi paıdalanýǵa beriledi. 2019 jyldyń dál osy kezeńimen salystyrǵanda 124 paıyzǵa ósim bar", – dedi basqarma basshysy.