Taıaýda Astrahan aýylynyń jetpis jastaǵy turǵyny ulynyń úıine ýaqytynda oralmaǵandyǵyna alańdap, op_astrahanskogo_raiona polısııa akkaýntyna janaıqaıyn jazyp, járdem suraǵan bolatyn.
Ananyń jazbasyn oqyǵannan keıin aýdandyq polısııa bóliminiń qyzmetkerleri az ǵana ýaqyttyń ishinde joǵalǵan ulyn taýyp berdi. Anasynyń aıtýyna qaraǵanda, 41 jastaǵy ulynyń buryn úıge kelmeı qalǵan kezi bolmapty. Sol sebepti de ana júregi elegizip, áldenege alańdaǵan. Izdep shyǵýǵa óziniń shamasy bolmaǵan soń polısııa bólimine qulaqqaǵys etip, kómek suraǵan. Jaǵdaıdy birden túsingen polısııa qyzmetkerleri kelip mán-jaıdy bilgen soń qart ananyń joǵalyp ketken ulyn izdeýge jumyla kirisken.
Jedel ári saýatty is-áreketteriniń arqasynda iz-túzsiz joǵalǵan er adam bir táýliktiń ishinde tabyldy. Ulynyń amandyǵy týraly anasyna birden habarlandy. Qýanyshy qoınyna syımaǵan ana Astrahan aýdandyq polısııa bóliminiń qyzmetkerleri, polısııa kapıtandary Sálimjan Erjanov, Aıazbek Taıshybaev, leıtenant Aslan Qalmuqanovtarǵa aq alǵysyn jaýdyrdy. Bylaı qaraǵanda, sonsha kúrdeli de is emes, biraq qarapaıym adamdardyń janaıqaıyna jiti nazar aýdaryp, kómek qolyn sozý jáne odan nátıje shyǵarý aıtarlyqtaı dúnıe.
Aqmola oblysy