«Qostanaı oblysy jastarynyń Altyn kitaby» - óńirdiń daryndy jastaryna qoldaý kórsetip, yntalandyrýdy kózdeıtin biregeı joba. Atalmysh jobanyń alǵashqy laýreattary osydan 5 jyl buryn marapattalǵan. Sodan beri jyl saıyn 14 pen 29 jas aralyǵyndaǵy daryndy ári belsendi jastardyń esimi «Altyn kitapqa» jazylyp keledi. Búginge deıin kitapqa 229 esim enipti.
Bıylǵy irikteýge óńirde ár salada eńbek etip júrgen eki júzden astam jas qatysty. Úmitkerler esimi áýeli áleýmettik jelide tanystyryldy. Olarǵa kópshilik Qostanaı oblysynyń jastar saıasaty máseleleri jónindegi basqarmasynyń ınstagram paraqshasy arqyly daýys berdi. Bul irikteýdiń birinshi kezeńi. Odan tańdalǵan eń myqtylardy baıqaý komıssııasy talqyǵa saldy. Sóıtip, 11 nomınasııada úzdikter anyqtaldy.
Sonymen, «Jas saıasatker» atalymynda Alına Ishanova, «Jýrnalıstıka» nomınasııasynda Qasqyrbaı Qoıshymanov, «Mádenıet jáne óner salasyna qosqan úlesi úshin» – Janna Talaspaeva, «Bilim jáne ǵylym salasyna qosqan úlesi úshin» – Rústem Beıishov, «Memlekettik qyzmetti damytýǵa qosqan úlesi úshin» – Ryskúl Taskýmbaeva, «Sporttaǵy jetistikteri úshin» – Nadejda Rıabes, «Densaýlyq saqtaý salasyn damytýǵa qosqan úlesi úshin» – Karına Iýsýpova, «Jastar kásipkerligin damytýǵa jáne Start-up jobalarǵa qosqan úlesi úshin – Lázzat Ahmadıeva, «Volonterlyqty damytýǵa qosqan úlesi úshin» – Damır О́tebaev, «Aýyldyń damýyna qosqan úlesi úshin» – Naýryzbek Birmaǵambetov «Altyn kitap» laýreaty atandy. Al qyzmettik boryshyn atqarý barysynda qylmyskerdiń qolynan qaza tapqan polısııa qyzmetkeri Darhan Bazarbaevtyń esimi «Jas batyr» nomınasııasy boıynsha «Altyn kitapqa» jazyldy.
Qostanaı oblysy