Kazantsev Group kásipkerlerge kómek kórsetý respýblıkalyq ortalyǵy halyqtyń qarjylyq saýattylyǵyn arttyrý boıynsha birqatar áleýmettik jobalardy qolǵa aldy, dep jazady Egemen.kz.
Usynylǵan jobalardyń ishinde jýyq arada iske qosylatyny - "Nesıelerdi qalaı tez tólep tastaýǵa bolady?" jobasy, ol 2020 jyldyń 16 jeltoqsanynda bastalmaq.
Oqytý tegin, onlaın formatta, oqytý sheńberinde 600 myńǵa jýyq adamdy qamtý josparlanyp otyr. Jobaǵa 80 mln. teńge ınvestısııa quıylǵan. Kýrs baǵdarlamasy – nesıeler qalaı jumys isteıdi, adamdardyń ómirin qalaı ózgertetini, nesıe bergen kezde bankterdiń sizderge aıtpaı qalatyn jáıtteri týraly birqatar máselelerdi qamtıdy.
16 jeltoqsanda saǵat 9:00-den bastap kez kelgen qazaqstandyq azamat https://dohod.me saıtyna tegin kirip, qarjylyq saýattylyǵyn arttyra alady.
"Birinshi kredıttik bıýro" JShS derekterine qaraǵanda, qazirgi ýaqytta Qazaqstanda halyqtyń ekonomıkalyq belsendi bóligi 9,23 mln adamdy quraıdy, onyń ishinde qoldanystaǵy kredıti bar qaryz alýshylar sany – 7,46 mln., kredıt almaǵany – 1,77 mln adam nemese ekonomıkalyq belsendi halyqtyń 19%.
Bul statıstıkada adamdar lombardtardyń jáne baqylana almaıtyn basqa da qarjylyq quraldardyń qyzmetterin paıdalanatyny eskerilmegen. Sondaı-aq, bul derekter qazaqstandyqtardyń basym bóliginiń tapqandarynan góri kóbirek aqsha jumsaıtyndyǵyn kórsetedi.
Kredıtterdiń jarnamalanyp, tanymal bolýy kóp adamnyń nesıege urynýyna ákep soqty, qoǵamda qaryz problemasy jalpyqazaqstandyq máselege aınaldy. Sonyń saldarynan bizdiń elimizdiń azamattarynda kútpegen shyǵyndar men fors-majorǵa dep arnap "qıyn jaǵdaı úshin jıǵan aqshasy" joq, al statıstıkaǵa keler bolsaq, ár adam ómirinde 7-10 jyl ishinde bir ret sondaı jaǵdaıǵa tap bolady eken.
"Ulttyq statıstıka bıýrosy" saıtynyń aqparatyna qaraǵanda, qarasha aıynda ortasha jalaqy 211 000 teńgeni qurady. Bul ortasha mán, óıtkeni halyqtyń basym bóliginiń jalaqysy 120 000 teńgege deıingi soma.
Basty problema - qarjylyq saýattylyq boıynsha bazalyq bilimniń bolmaýy. Bizdiń ata-anamyzǵa da, bizge de aqshany utymdy jumsaýdy, aqshany únemdeýdi, aqshany ınvestısııalaýdy úıretken joq, sol sebepti biz de balalarymyzǵa bul týraly úıretpeımiz. Mundaı áreketsizdiktiń nátıjesi belgili – halyqtyń kem degende 80% nesıege táýeldi.
Kazantsev Group bas dırektory Dmıtrıı Kazansev osy jıyn barysynda aqsha jınaı bastaý úshin joǵary jalaqy qajet degen túsiniktiń qalyptasyp qalǵanyn, is júzinde olaı emes ekenin aıtyp berdi.
Tipti jalaqysy 80-100 myń teńge bolsa da, adam aqsha jınap, jaqsy somaǵa qol jetkize alady.
– Biraq bizdiń mindetimiz aqsha jınaýdy úıretý ǵana emes, sonymen qatar ony durys ınvestısııalaı alý, aqsha qur "jastyqtyń astynda" jatpaýǵa tıis nemese sońǵy ýaqytta óz jumysyn jandandyra túsken alaıaqtardyń nemese pıramıdalardyń qolyna túspeýi kerek. Qazaqstandyq azamattar jyl saıyn áıteýir bir paıda bolǵan pıramıdalarǵa mıllıardtaǵan teńge jumsaıdy, óıtkeni olar durys ınvestısııalaýdy bilmeıdi. Adamdar qolynda jıǵan aqshasynyń joq ekenin túsinedi de, jaǵdaıdy barynsha tezdetip túzetýge tyrysady, aqyrynda qolyndaǵy barynan aıyrylady. Bizdiń komanda aldyna bir jyl ishinde eldegi osy jaǵdaıdy ózgertý mindetin qoıyp otyr. Biz halyqtyń qarjylyq saýattylyǵyn arttyrý boıynsha birqatar áleýmettik jobalardy iske qosamyz".
Bir aı buryn Kazantsev Group jasóspirimderdi qarjylyq saýattylyqqa tegin úırete bastady. Pılottyq jobaǵa 14-19 jas aralyǵyndaǵy 1500 jasóspirim qatysýda. Olar qarjylyq saýattylyq jáne kásipkerlik negizderi boıynsha bilim alýda, deıdi ol.
Ata-analardyń pikirinshe, bul joba jaqsy nátıje berip otyr. Aqpan aıynyń basynda 10 myńǵa jýyq jasóspirimdi oqýǵa toptastyryp jınaý josparlanýda.