Atyraý oblysynda jeńil kólik aýdarylyp, eki adam mert boldy, dep habarlaıdy Egemen.kz
Jol apaty 19 jeltoqsanda «Inder-Atyraý» trassasynda bolǵan. Inder aýdanynyń Yntymaq aýylynda turatyn 32 jastaǵy júrgizýshi «Prıora» markaly kóligimen Aqtaý qalasynan kelgen ápkesin 4 balasymen birge Atyraýǵa jetkizý úshin jolǵa shyqqan eken. Biraq olar Atyraý qalasyna deıin jete almady. О́ıtkeni jolda kólik aýdarylyp, jol-kólik apatynan 32 jastaǵy júrgizýshi men 38 jastaǵy áıel kóz jumdy.
Aýdarylǵan kóliktegi tórt bala aman qaldy. Qazir jol apatyna baılanysty saraptama taǵaıyndalyp, tergeý júrgizilip jatyr.