Táýelsizdik – ata-babamyzdyń ańsaǵan asyl muraty, Jaratqannyń syıy. Táýelsizdikke jetý qandaı mańyzdy bolsa, ony saqtap qalý da soǵurlym erik-jigerdi qajet etedi. El jastary muny jete túsinýi kerek.
Táýelsizdik merekesine oraı azamattardy marapattaý rásiminde Memleket basshysy Qasym-Jomar Toqaev aldaǵy tórtinshi on jyldyqta bizdi jańa mindetter kútip turǵanyna, elimizdi ilgeri damytyp, árbir azamattyń laıyqty turmysyn qamtamasyz etý qajettigine toqtaldy. «Ony júzege asyrýdyń basty joly – tıimdi basqarý júıesi», dep atap kórsetti Prezıdent.
Bárimiz biletindeı, memlekettik qyzmet salasyn jańǵyrtýǵa sońǵy jyldary kóp kúsh jumsaldy. Salaǵa jastardy kóp tartyp, olarǵa áleýmettik lıft, múmkindikter usynyldy. El erteńine beı-jaı qaramaıtyn azamattarymyz jańa qyzmetterine bilek sybana kiristi.
Muny da Táýelsizdikti saqtaýǵa, nyǵaıtýǵa qosylǵan úles dep bilemin. О́ıtkeni qazirgideı oı jarystyratyn zamanda jastar bar kúsh-jigeri men bilimin, tájirıbesin el ıgiligine jumsaý arqyly Qazaqstannyń órkendeýine óz úlesterin qosa alady.
Sonymen qatar Prezıdent «Biz búgingi tańda ulttyń basty strategııalyq resýrsy adam kapıtalynyń sapasy ekenin bilemiz. Bilim, ıdeıalar men tehnologııalar progrestiń túpki qozǵaýshysy bolyp otyr. Sondyqtan biz Bilim men ǵylymdy damytýdyń 2025 jylǵa deıingi jańa memlekettik baǵdarlamasyn iske qostyq. Ol osy negizgi baǵyttarǵa arnalǵan shyǵystardy IJО́-niń 7%-na deıin kóterýdi qarastyrady», dedi. Bul da el jastary úshin jaǵymdy jańalyq. О́ıtkeni ǵylym men bilimi damyǵan eldiń erteńi aıqyn. Al osyndaı yntalandyrýdy kórgen saıyn jastardyń jańany oqyp-bilýge nıeti de arta túsedi.
Qazirgi kezde damımyn, bilimimdi kóteremin, órisimdi keńeıtemin degen adamǵa barlyq jaǵdaı jasalǵan. Tek erinbeı eńbek etip, talaptaný kerek. Ár adam ózi úshin oqý arqyly eline paıdaly bola alady. Qazaqstannyń Stýdentter alıansy da talapty jastardy qoldaýǵa árdaıym ázir. Biz talantty jastardyń ortasyn qalyptastyrǵymyz keledi. Táýelsizdiktiń tuǵyrly bolýy talantty jastardyń qolynda.
Ilııas TÚSTIKBAEV,
Qazaqstan Stýdentter
alıansynyń tóraǵasy