Qurlyqtyq hokkeı lıgasynyń (QHL) kezekti týr oıynyn Nur-Sultannyń «Barysy» Qytaıdyń «Kýnlýn» klýbymen syrt alańda ótkizdi.
Qonaqtar básekeni qarqyndy bastaǵanymen, qarsylastarynyń qaqpa kiltin uzaqqa deıin taba almady. Kersinshe, alǵashqy shaıbany aıdyn ıeleri soqty. 18-mınýtta Hanter Shınkarýk nysanany dál kózdedi. Odan keıin 35 mınýt boıy qos komanda bir-birimen uzaq arpalysqanymen, tablodaǵy esepti ózgerte alǵan joq. Tek 54-mınýtta Kertıs Volk pen Lınýs Vıdell uıymdastyrǵan shabýyldy Samat Danııar sátti aıaqtady. Osylaısha, oıyn overtaımǵa oıysty. Qosymsha ýaqytta Darren Lıs mergendik tanytty. Nátıjesinde bul match 2:1 esebimen «Barystyń» paıdasyna sheshildi.
Qazirgi kezde «Barys» QHL-dyń turaqty birinshiliginiń jarys kestesinde 17-oryndy ıelenýde. Jerlesterimiz 33 kezdesýden keıin 37 upaı jınady. Elordalyq klýb óziniń kelesi kezdesýin 21 jeltoqsanda Nıjnıı Novgorodta jergilikti «Torpedomen» ótkizedi.