Atyraýda jyl basynan beri 24 júrgizýshi kóligine jalǵan nómir taǵyp júrgen, dep habarlaıdy Egemen.kz.
Atyraý patrýldik polısııa batalonynyń komandıri Nurlan Sarsenbaevtyń málimetinshe, jyl basynan beri jalǵan nemese qoldan jasalǵan memlekettik tirkeý nómirimen, sondaı-aq memlekettik tirkeý nómir belgileriniń túrin ózgertetin, jasyratyn qurylǵylar men materıaldarmen jabdyqtalǵan kólikti basqarǵan 24 júrgizýshi anyqtaldy. Barlyǵy jaýapkershilikke tartyldy.
«Jaqynda Geolog shaǵyn aýdanynda Reseı Federasııasynan ákelingen «Toyota Camry» avtokóligi toqtatyldy. Tekserý kezinde kóliktiń memlekettik nómiri jalǵan ekeni anyqtaldy», deıdi patrýldik polısııa batalonynyń komandıri Nurlan Sarsenbaev.
Kólikti basqarǵan 24 jastaǵy júrgizýshige qatysty QR Ákimshilik quqyqbuzýshylyq týraly Kodeksiniń 590-babynyń 4-bólimimen (Kórineý jalǵan nemese qoldan jasalǵan memlekettik tirkeý nómiri bergileri bar kólik quralyn basqarǵan) ákimshilik hattama toltyrylyp, jınaqtalǵan is-qujattar sotqa joldandy.
Jaqynda sot sheshimimen bul azamat bir jyl merzimge júrgizýshi quqyǵynan aıyryldy. Sondaı-aq bul baptyń sanksııasynda 20 aılyq eseptik kórsetkish kóleminde aıyppul salý da kózdelgen.