Inder aýdanynyń ákimi Meıirim Qalaýıdyń málim etýinshe, as tuzyn óndiretin zaýyttyń qurylysy aıaqtalýǵa jaqyndady. Qazir zaýytqa qajetti qural-jabdyqtardy satyp alý men mamandardy oqytý qolǵa alyndy. Atalǵan zaýytta jergilikti 60 adam jumysqa tartylady. Zaýytta saǵatyna 25 tonna as tuzy óndiriledi, dep habarlaıdy Egemen.kz
Al oblystyq kásipkerlik jáne ındýstrııalyq-ınnovasııalyq damý basqarmasynyń basshysy Abdýahıt Ábishevtiń aıtýynsha, bıyl úsh joba iske qosyldy. Bul – «BEST MODULE» JShS-nyń metal óńdeý zaýyty, Doktor Haýs JShS-niń «Medısınalyq betperdeler óndirisi» jáne Qurmanǵazy aýdanynan «Buıyrǵyn» aýyl sharýashylyǵy óndiristik kooperatıvi. Bulardyń árqaısysynda 40 jumys orny bar.
«Bıylǵy qańtar-qarasha aılarynda ónerkásip óniminiń kólemi 481,8 mlrd teńgeni qurady. Jyl basynan bergi aıda aıda óńdeýshi ónerkásiptegi eksport kólemi 758,9 mln AQSh dollaryna jetti. О́ńdeýshi ónerkásiptegi negizgi kapıtalǵa 185,0 mlrd teńge ınvestısııa salyndy. Bul saladaǵy eńbek ónimdiligi alty aıda 1 adamǵa 31,5 myń AQSh dollaryn qurap, naqty kólem ındeksi 106,3%-ǵa artty» dedi Abdýahıt Ábishev.