SQO PD qyzmetkerleri jedel is-sharalar barysynda Petropavl qalasynyń 29 jastaǵy turǵynynan 1944 jyly jasap shyǵarylǵan alty patrony bar zańsyz saqtalǵan «nagan» revolverin tárkiledi, dep habarlaıdy Egemen.kz.
Saraptama nátıjesi qarýdyń atýǵa jaramdy ekenin anyqtady. Atalǵan fakti QR Qylmystyq kodeksiniń 287-baby «Qarýdy, oq-dárilerdi, jarylǵysh zattardy jáne jarylys qurylǵylaryn zańsyz ıemdený, berý, ótkizý, saqtaý, tasymaldaý nemese alyp júrý» boıynsha Sotqa deıingi tergep-tekserýdiń biryńǵaı tizilimine engizildi. Kúdiktige qatysty kelý týraly mindetteme túrindegi májbúrleý sharasy qoldanyldy. Polıseıler oqıǵanyń barlyq mán-jaıyn anyqtaýǵa baǵyttalǵan qajetti is-sharalar júrgizýde. Sonyń ishinde «altyatardyń» basqa qylmystarǵa qatystylyǵy tekserilýde.
Soltústik Qazaqstan oblysy