Búgin Qazaly aýdany ákimdiginiń májilis zalynda energetıka salasy qyzmetkerleriniń kásibı merekesine oraı aýdan ákimi Murat Ergeshbaev sala qyzmetkerleri men ardagerlerin merekemen quttyqtady, dep habarlaıdy Egemen.kz.
Merekelik jıyn barysynda energetıka salasynyń mamandary men eńbek sińirgen qyzmetkerlerine, salanyń bastaý alǵan sátinde tynymsyz eńbekterimen onyń damýyna zor úles qosqan ardagerlerge erekshe qurmet kórsetildi.
«Energetıkter kúni» merekesine oraı Qazaqstan elektr energetıkalyq qaýymdastyǵynyń «Ardager energetık» tósbelgisimen Qońyrbek Ájimbetov, Qazaqstan energetıkteriniń salalyq kásipodaǵynyń «Qurmet» belgisimen aýdandyq elektr torabynyń ınjeneri Serik Aıtjan marapattaldy.
Sonymen qatar, birqatar sala qyzmetkerlerge oblys ákimi men orynbasarynyń jáne aýdan ákiminiń, oblystyq energetıka jáne turǵyn úı kommýnaldyq sharýashylyq basqarmasy basshysynyń «Alǵys haty» tabystaldy.