Búgin Qazaly aýdanyndaǵy Bekarystan bı aýyldyq mádenıet úıinde «Azattyqty ańsaǵan arystarym» atty jyrshy-termeshiler festıvali ótti. Oblystyq deńgeıde ótken shara osy óńirde ótken Asandar kóterilisiniń 90 jyldyǵyna arnaldy.
Aýyldaǵy aıtýly sharany quttyqtaý sóz sóılep ashqan aýdan ákimi Murat Ergeshbaev ózindik maqamy bar jyrshy-termeshilerge alǵys aıtyp, óner saıysynda sáttilik tiledi.
Oblystyq jyrshy-termeshiler festıvalin esimi elimizge belgili jyrshy Marat Súgirbaı júrgizip otyrdy. Jyr merekesinde jyraýlyq ónerdiń jampozyna aınalyp úlgergen – Marat Súgirbaı, О́mirzaq Janbolat, Serik Jaqsyǵulov, Ádilhan Qýańbaev, Sholpan Bımbetova, Maıra Sársenbaevalar óte joǵary deńgeıde óner kórsetti.
Festıvalde óner kórsetkenderdiń barlyǵyna da dıplom men arnaıy qarjylaı syılyqtar tabystaldy.