Búgin Qyzylorda qalasynyń ákimi Nurlybek Nálibaev pen Memlekettik qyzmet isteri agenttiginiń Qyzylorda oblysy boıynsha departamenti basshysy Rafhat Bısenov jańadan ashylǵan «Elektrondyq qyzmetterdi ózdiginen alý» ortalyǵyna baryp, jumysymen tanysty, dep habarlaıdy Egemen.kz
Jańa ortalyqtyń jumysymen tanystyrǵan «Azamattarǵa arnalǵan úkimet» memlekettik korporasııasynyń Qyzylorda oblysyndaǵy fılıalynyń dırektory Aıdyn Qaırýllaev ortalyqtyń halyqqa qyzmet kórsetýdegi tıimdiligi men artyqshylyqtaryn jetkizdi.
Shahar basshysy memlekettik qyzmetti elektrondy túrde alýdyń paıyzdyq úlesin arttyrý bul memlekettik qyzmet kórsetýdi halyqqa qoljetimdi etýge berilgen basymdyq ekenin atap ótip, halyqqa qolaıly jaǵdaı jasaý maqsatynda qyzmet kórsetý sapasyn arttyrýǵa baǵyttalǵan jumystar óz jalǵasyn tabatyndyǵyn aıtty. Ortalyq elektrondyq qyzmet alýǵa júgingen azamattarǵa tegin qyzmet kórsetedi. Qyzmet kórsetýge qajetti tehnıkalyq qural-jabdyqtarmen tolyq qamtylǵan.
Aıta keteıik, jańa ortalyq Qyzylorda qalasynyń ákimdigi, Memlekettik qyzmet isteri agenttiginiń Qyzylorda oblysy boıynsha departamenti jáne birlesken jobasy aıasynda ashylǵan.
Buǵan deıin qala ákimdigine qarasty qyzmet kórsetýge jaýapty mekemelerde elektrondyq túrde kórsetiletin memlekettik qyzmetterdiń qoljetimdiligin qamtamasyz etý maqsatynda 15 «О́zine-ózi qyzmet kórsetý buryshy» iske qosylǵan.
Memlekettik kórsetiletin qyzmetterdiń tizilimine sáıkes búgingi kúnge qala ákimdigine qarasty memlekettik mekemeler jalpy 80 qyzmet túrin kórsetse, onyń ishinde 59 qyzmet túri elektrondyq formatta júzege asyrylady.
Bıyl qańtar – qarasha aılary aralyǵynda osy qyzmet túrleri boıynsha elektrondyq nysanda 46 myń 184 ótinish qabyldanǵan.