Atyraý oblysynyń Qurmanǵazy aýdanynda joǵalyp ketken 60 jastaǵy er adam tabylmaı jatyr, dep habarlaıdy Egemen.kz
Er adamnyń joǵalǵany týraly habar tótenshe jaǵdaılar departamentine 21 jeltoqsanda saǵat 15:55-te túsken. Sodan beri joǵalǵan adamnyń qaıda ekeni belgisiz bolyp otyr.
«Shortanbaı aýylyndaǵy jumysynan shyqqan 60 jastaǵy azamat Kóptoǵaı aýylyna barmaq bolǵan. Biraq úıine jetpeı joǵalyp ketken», dep habarlady departamenttiń baspasóz qyzmetinen.
Ony izdeýge Qurmanǵazy aýdandyq tótenshe jaǵdaılar bóliminiń, aýdandyq polısııa bólimi men Shortanbaı, Kóptoǵaı aýyldyq okrýgteriniń qyzmetkerleri, sondaı-aq, jergilikti turǵyndardan 65 adam jumyldyryldy.