Qylmystyń aldyn alý, izin sýytpaı ashý, qoǵamdyq tártipti saqtaý, jol apattylyǵyn boldyrmaý maqsatynda 22-24 jeltoqsan kúnderi respýblıka kóleminde «Quqyq tártibi» jedel profılaktıkalyq is-sharasy ótkizilýde, dep habarlaıdy Egemen.kz
Osyǵan oraı, Qyzylorda oblysynda bir táýlikte polısııa qyzmetkerleri 8 qylmystyń betin ashty. Bul týraly óńirlik kommýnıkasııalar qyzmetiniń aqparat alańynda ótken brıfıngte OPD Jergilikti polısııa qyzmetiniń bastyǵy Baýyrjan Ibraev málimdedi.
Jedel profılaktıkalyq is-sharasy aıasynda ishki ister organdarynda esepte turǵandardyń 241-i tekserildi. Buryn jasalǵan 2 urlyq ashyldy. Oblys boıynsha barlyǵy 273 ákimshilik quqyq buzýshylyq tirkelip, onyń ishinde, qoǵamdyq oryndarda masań kúıde bolǵan 26 adamǵa, túngi tynyshtyqty buzǵan 11 turǵynǵa, alkogol ónimderin satý tártibin buzǵan 3 azamatqa qatysty ákimshilik is qozǵaldy.