Kelesi jyly Japonııanyń astanasy – Tokıoda alaýy tutanatyn Olımpıada men Paralımpııa oıyndarynyń jalpy bıýdjeti 15,8 mıllıard AQSh dollaryn quraıtyn boldy.
Jer-jahandy sharlaǵan koronavırýstyń kesirinen sporttyq saıystardyń barlyǵy da belgilengen ýaqytynda ótpeı qalǵany belgili. Solardyń qatarynda Olımpııa oıyndary men Paralımpıada da bar. Bıyl jalaýy jelbireýge tıis aıtýly jarystar kelesi jylǵa shegerildi. Osyndaı qolaısyzdyqtardyń saldarynan Japonııaǵa taǵy ta biraz shyǵyndanýyna týra keledi. Endi olar baıraqty básekelerdi joǵary deńgeıde uıymdastyrýǵa qajetti qarjy mólsherin birshama kóbeıtýdi qup kórip otyr.
Esterińizge sala keteıik, Olımpııa oıyndary 2021 jyldyń 23 shildesi men 8 tamyzy aralyǵynda ótse, Paralımpıada 24 tamyz ben 5 qyrkúıek aralyǵynda uıymdastyrylady dep kútilýde.