Vedomstvoaralyq komıssııanyń sheshimi boıynsha III toqsannan bastap 9 jáne 11 (12) synyp oqýshylary aralas formatta oqıtyn bolady.
Bul synyptarda matematıka, qazaq tili, orys tili, shet tili, fızıka, hımııa, bıologııa, algebra, geometrııa jáne tarıh pánderi mektepte oqytylady. Iаǵnı, barlyq pánniń 70%-y shtattyq formatta ótedi. Mektepterde ıkemdi sabaq kesteleri jasalyp, sabaqtar arasyndaǵy úzilister ár túrli synyptar úshin ár túrli ýaqytta uıymdastyrylady, sondaı-aq áleýmettik qashyqtyqty saqtaý úshin aýysymdar sany kóbeıtilip, pánderdiń 30%-y qashyqtan oqytylady. Mundaı sheshim ata-analar men kópshiliktiń pikirin eskere otyryp qabyldandy. Sonymen qatar bitirý synyptary túlekterin oqý jylynyń sońynda qorytyndy attestattaý, olardyń kolledjderge túsý úshin keshendi emtıhandar men joǵary oqý oryndaryna túsý úshin UBT tapsyratyny eskerildi. Osy oraıda mektepterde sanıtarlyq sharalar saqtalatyn bolady.