QR Premer-Mınıstri Asqar Mamınniń tóraǵalyǵymen Nur-Sultan qalasynyń jańa ortalyǵynyń qurylysyn baqylaý jónindegi memlekettik komıssııanyń otyrysy ótti.
Nur-Sultan qalasy qurylysynyń 2019-2023 jyldarǵa arnalǵan keshendi josparyn júzege asyrý týraly qala ákimi A. Kólginov, turǵyn úı salý, ınjenerlik jáne jol-kólik ınfraqurylymyn damytý týraly ındýstrııa jáne ınfraqurylymdyq damý mınıstri B. Atamqulov, elordany gazdandyrý týraly energetıka mınıstri N. Noǵaev, mektepter salý týraly bilim jáne ǵylym mınıstri A. Aımaǵambetov, halyqty sýmen qamtamasyz etý jaǵdaıy týraly ekologııa, geologııa jáne tabıǵı resýrstar mınıstri M. Myrzaǵalıev, sondaı-aq ortalyq memlekettik organdardyń basqa da basshylary beıindi jumys baǵyttary týraly baıandady.
Bıyl Nur-Sultan qalasynda shamamen 3 mln sharshy metr turǵyn úı, onyń ishinde 8 myń páter qoljetimdi jeńildikti turǵyn úıde paıdalanýǵa beriledi. Turǵyn úı alaptarynyń ınjenerlik-kommýnıkasııalyq ınfraqurylymyn damytý jumystary júrgizilip jatyr.