Shanhaıda 1 qańtardan bastap barlyq saýda oryndarynda polıetılen paketterge tyıym salynady, dep habarlaıdy Egemen.kz Shanghai Daily gazetine silteme jasap.
1 qańtardan bastap Shanhaı saýda ortalyqtarynda, sýpermarketterde, dárihanalarda, kitap dúkenderinde jáne basqa da saýda oryndarynda kelýshilerge kassada polıetılen paketterdi tegin berý nemese satý toqtatylady. Sondaı-aq jedel jetkizý qyzmetteri úshin de atalǵan paketterdi paıdalanýǵa tyıym salynady, meıramhanalarda kelýshilerge budan bylaı plastıkalyq ydys-aıaqtar berilmeıdi.
Shanhaıdyń kóptegen dúkenderi jańa erejeler kúshine engenge deıin satyp alýshylardyń polıetılen paketterdi qoldanýyn shekteý úshin aldyn ala sharalar qabyldady. Jergilikti bılik plastıkalyq qaldyqtar máselesin sheshý úshin uzaq ýaqyt jumys istep keledi. Qala ákimshiligi bir rettik qoldanýǵa arnalǵan paketterdi shekteý saıasatyn 2008 jyldan bastap júrgize bastady. 2021 jyldyń 1 qańtarynan bastap polıetılent paketterine shekteý óz kúshine enedi. Halyqqa qaıta paıdalanýǵa bolatyn qaǵaz paketter daıyndaldy.
Kelesi jyldyń aıaǵynda Shanhaıdaǵy barlyq qonaq úıler bir rettik plastıkten bas tartýy kerek. Shanhaı poshta qyzmeti men ekspress-jetkizý kompanııasy birneshe jyl boıy buzylmaıtyn plastıkten jasalǵan paketter men oraýysh taspalardan tolyǵymen bas tartady.