Prezıdent Qasym-Jomart Toqaev Roza Baǵlanovanyń esimin máńgi saqtaý úshin sharalar qabyldaýdy tapsyrdy. Bul týraly Memleket basshysy óziniń Twitter jelisinde jazdy, dep habarlaıdy Egemen.kz.
«2022 jyldyń 1 qańtarynda qazaqtyń bulbul ánshisi Roza Baǵlanovanyń týǵanyna 100 jyl tolady. Ol – Qazaqstannyń jáne KSRO-nyń halyq ártisi, Qazaqstannyń Halyq qaharmany. Maıdan dalasynda án salǵan R. Baǵlanova qazirgi kúnge deıin elimizdegi jáne sheteldegi án súıer qaýym arasynda keńinen tanymal. Onyń esimin máńgi saqtaý úshin sharalar qabyldaýdy tapsyrdym», dep jazdy Q.Toqaev.