Batys Qazaqstan oblysynyń turǵyny jańajyldyq mereke kezinde otshashý saldarynan betin kúıdirip aldy, dep habarlaıdy Egemen.kz
Oblystyq Densaýlyq saqtaý basqarmasynyń baspasóz ókili 1-3 qańtar aralyǵynda qalalyq kópbeıindi aýrýhananyń travmatologııalyq pýnktine 58 adam júgingen.
«Onyń 13-i kóktaıǵaqtan, 3-eýi syrǵanaqtan qulap, 23-i kúndelikti turmystyq jaraqat alsa, bireýi jol-kólik oqıǵasynan zardap shekken jáne polıseıler tóbelesken 13 adamdy aýrýhanaǵa jetkizdi. (...) Al bireýi otshashýdan betin kúıdirip alǵan», dedi oblystyq densaýlyq saqtaý basqarmasynyń ókili.
Otshashýdan betin kúıdirip alǵan adamǵa em kórsetilip, jarasy tańylǵan. Qazir ol ambýlatorııalyq em qabyldap jatyr.