Ortalyq saılaý komıssııasynyń málimetinshe, saǵat 20:00-ge deıin Qostanaı oblysy turǵyndarynyń 71,8%-y daýys bergen.
Saıası naýqan barysynda saılaýshylar men saılaý komıssııasy tarapynan zańǵa qaıshy eshbir óreskel áreketter baıqalmaǵan. Baıqaýshylar biraýyzdan saılaýdyń ádil ári ashyq ótkenin, naýqan barysynda sanıtarlyq talaptardyń qatań saqtalǵanyn aıtady.
Saılaýda daýys berý kezinde barlyq ýchaskelerde sanıtarlyq talaptardyń saqtalýy jiti qadaǵalanyp, tıisti sharalar óz deńgeıinde júzege asyryldy. Ár ýchaskedegi kabınalar arnaıy sanıtarlyq qurylǵylarmen saǵat saıyn tazartylyp, áleýmettik araqashyqtyqtyń saqtalýy qatań qadaǵalaýǵa alyndy. Oblystaǵy barlyq saılaý ýchaskeleriniń kireberisinde medısına qyzmetkerleri men volonterler kezekshilik atqardy. Olardyq negizgi mindeti saılaýshylardyń sanıtaızerge qol shaıýyn qadaǵalap, dene qyzýyn ólshep, ár adamǵa medısınalyq qolǵap, maska, qalam úlestirý boldy. Maska, qolǵaptarmen barlyq ýchaskeler jetkilikti túrde qamtyldy.
Saılaý úderisine qatysý quqyǵyna ıe bolǵan óńirdegi úkimettik emes uıymdar óz mindetterin oıdaǵydaı oryndady.
Baıqaýshylardyń aıtýynsha, saıası naýqan barysynda saılaýǵa qatysty zań buzý derekteri tirkelgen joq.
Qoryta aıtqanda, oblysta saılaý quqyǵyna ıe turǵyndardyń óz tańdaýlaryn jasaýyna barlyq jaǵdaı jasalyndy.
Qostanaı oblysy