Kremlde Reseı men Ázirbaıjan prezıdentteri Vladımır Pýtın men Ilham Alıev jáne Armenııa premer-mınıstri Nıkol Pashınıannyń qatysýymen úshjaqty kezdesý bastaldy, dep habarlaıdy Egemen.kz tilshisi TASS agenttigine silteme jasap.
Betpe-bet kezdesý jaıly bastamany Reseı memleketiniń basshysy kótergen bolatyn.
Kremldiń baspasóz qyzmeti habarlaǵandaı, taraptar úsh el basshylarynyń Taýly Qarabaq týraly 2020 jylǵy 9 qarashadaǵy málimdemesiniń oryndalý barysyn qarastyryp, aımaqtaǵy máselelerdi sheshý joldaryn talqylaýdy josparlap otyr.
Saıasatkerler áskerı qımyldardan zardap shekken aýdandardyń turǵyndaryna kómek kórsetý máselelerine, sondaı-aq saýda-ekonomıkalyq jáne kólik baılanystaryn ashý men damytý máselelerine erekshe nazar aýdarady dep kútilýde.
Eske sala keteıik, Pýtın, Alıev jáne Pashınıan Taýly Qarabaqtaǵy áskerı qımyldardy tolyq toqtatý týraly 2020 jyldyń 9 qarashasynda birlesken málimdemege qol qoıǵan bolatyn.