Rım Papasy Fransısk aldymyzdaǵy aptanyń basynda COVID-19 qarsy ekpe alýǵa nıetti. Pontıfık búginde 85 jasqa tolyp otyr, dep habarlaıdy Egemen.kz
Sonymen qatar, Vatıkan dinbasylarynyń basqa ókilderi de ekpe alýǵa nıetti ekenderin bildirip jatyr. Rım Papasy Fransısktiń aıtýynsha, bul ár adamnyń moraldyq-etıkalyq paryzy jáne ol ekpe egýge qarsylyq tanytqandardy sýısıdaldy shyndyqty joqqa shyǵarýmen ómir súretin adamdar dep basa aıtty.
Al Úndistannyń aldynda mıllıardtan astam adamdy ekpemen qamtamasyz etý máselesi tur. El bıliginiń bul sońǵy onjyldyqtaǵy eń aýqymdy naýqan eken. Memlekette 2021 jyldyń shilde aıyna qaraı 300 mln-ǵa jýyq azamatqa ekpe salý josparlanyp otyr. Alǵashqylardyń biri bolyp ekpeni medısına qyzmetkerleri men tótenshe jaǵdaılar qyzmetkerleri alady.
Sonymen qatar Ispanııada qardyń qalyń jaýýyna baılanysty keıbir óńirde jedel járdem jumysy toqtap qalǵan. Bılik aýrýhanalardyń elektr qýatynsyz qalýynan qaýiptenip otyr. Bul epıdemııalyq ahýaldyń nasharlaýyna alyp keleri haq. Osy tusta Djons Hopkıns Ýnıversıtetiniń ókilderi Ispanııada pandemııa bastalǵaly 2 mıllıonnan astam adam indetti juqtyrsa, 51,8 myń adam qaıtys bolǵan eken.
Koronavırýstyq ınfeksııamen kúres aıasynda Fransııanyń 8 departamentinde komendanttyq saǵattyń bastalýy ýaqytyn saǵat 20:00-den, 18:00-ge aýystyrdy. Aldaǵy seısenbi kúninen Joǵarǵy Provans Alpileri men Var departamentterinde keńeıtilgen komendanttyq saǵat engizilmek. Osylaısha, 15 departamentten turatyn jańa shekteý rejıminiń aımaǵy Fransııanyń búkil shyǵysyn, sondaı-aq eldiń ońtústigi men ońtústik-shyǵysynyń bir bóligin qamtydy. Biraq, el bıligi memlekette úshinshi lokdaýnnyń engizilýi josparlanbaǵanyn alǵa tartyp otyr.