Moldova Prezıdenti Maııa Sandý óziniń alǵashqy resmı saparyna Ýkraınaǵa avtokólikpen ketti. Bul týraly prezıdenttiń baspasóz qyzmeti habarlady, dep jazady Moldovanyń Ziarul de Garda gazeti.
Prezıdenttiń baspasóz hatshysy Sorına Shtefırsa delegasııa Kıevke ushaqpen emes, kólikpen jetýge sheshim qabyldady, óıtkeni bul shyǵyndardy azaıtady dep túsindirdi. Onyń aıtýynsha, bul pandemııa kezinde saıahattaýdyń eń tıimdi tásili.
12 qańtarda Kıevke sapary kezinde Moldova Prezıdenti Maııa Sandýdyń ýkraınalyq áriptesi Vladımır Zelenskıımen kezdesýinde Ýkraına men Moldova arasyndaǵy qarym-qatynastardy strategııalyq seriktestik deńgeıine shyǵarý, birlesken ekonomıkalyq jáne saıası jobalardyń strategııasyn qurý men Eýropalyq Odaqqa múshelikke qol jetkizý úshin birlese jumys isteý sekildi jáne taǵy basqa taqyryptar keńinen talqylandy.