Pavlodar qalasynda kóligine bes jyl buryn esepten shyǵarylǵan nómir taǵyp júrgen júrgizýshi ákimshilik jaýapkershilikke tartyldy, dep habarlaıdy Egemen.kz Polisia.kz saıtyna silteme jasap.
«Pavlodar qalasyndaǵy Estaı kóshesin patrýldeý kezinde polıseıler jol qozǵalysy erejelerin buzǵan kólikti baıqaǵan. Júrgizýshi óz kóligin «Turýǵa tyıym salynady» degen belginiń janyna qoıǵan. Qujattardy usynýyn suraǵanda júrgizýshi barlyq qujattaryn úıde umytyp ketkenin aıtty. Budan ári, derekter bazasy boıynsha tekserý kezinde polıseıler avtokólikke taǵylyp turǵan memlekettik tirkeý nómiriniń bes jyldan astam ýaqyt buryn esepten shyǵarylǵanyn anyqtady. Kólik quralyna kórineý jalǵan nemese qoldan jasalǵan memlekettik tirkeý nómirlik belgisin ornatý faktisi boıynsha júrgizýshige qatysty QR ÁQBtK-niń 590-babynyń 3-bóligi (Kólik quralyna kórineý jalǵan nemese qoldan jasalǵan memlekettik tirkeý nómiri belgilerin (belgisin) ornatý) boıynsha ákimshilik is qozǵaldy, 15 AEK mólsherinde aıyppul salyndy», dedi Pavlodar qalasy PB patrýldik polısııa batalonynyń komandıri Renat Sháripov.
Sondaı-aq jol belgilerimen nemese joldyń júrý bóligindegi tańbalarmen belgilengen talaptardy saqtamaǵany úshin atalǵan júrgizýshige qatysty ákimshilik is qozǵalyp, QR ÁQBtK-niń 601-baby 1-bóligi (Jol belgilerimen nemese joldyń júrý bóligindegi tańbalarmen kórsetilgen talaptardy saqtamaý) boıynsha úsh AEK mólsherinde aıyppul salyndy.
Aıta keteıik, jyl basynan beri Pavlodar oblysynyń polıseıleri 1240 quqyq buzýshyny ákimshilik jaýapkershilikke tartty.