Qazaqstannyń eńbek sińirgen qaıratkeri, «MýzART» tobynyń ánshisi Meırambek Besbaev koronavırýspen aýrýhanaǵa tústi, dep habarlaıdy Egemen.kz
«Meırambekti keshe túste jedel járdem alyp ketti. Birden jansaqtaý bólimine tústi. Aldymen pnevmonııa degen, keıin koronavırýs anyqtaldy», - dedi «MýzART» tobynyń dırektory Erlan Júnisbaı.
Onyń aıtýynsha, qazir ánshiniń densaýlyǵy jaqsy.
«Qazir jaǵdaıy jaqsy. Jansaqtaý bóliminen palataǵa aýystyrdy. Telefonmen sóılesip otyramyz. Ýaıymdamańyzdar, jaǵdaıy jaqsardy. Onymen keshe keshke sóılestim. Ol Qalqamandaǵy №7 aýrýhananyń dárigerlerine alǵys aıtqysy keledi. Qazaqstandyqtar munyń qanshalyqty qaýipti ekenin túsinip, olardan úıde otyrýyn jáne qonaqqa barmaýyn surady», - dedi «MýzART» tobynyń dırektory.