2020 jyly aqmolalyq polıseıler balalardy qorǵaýǵa arnalǵan qurylǵysy joq bolsa da balalardy tasymaldaǵany úshin 1000-nan astam júrgizýshini jaýapqa tartty, dep habarlaıdy Egemen.kz IIM baspasóz qyzmetine silteme jasap.
2020 jyly oblys aýmaǵynda balalardyń qatysýymen 109 jol-kólik oqıǵasy oryn alyp, onda 144 bala túrli dene jaraqattaryn alǵanyn aıta ketý kerek.
Patrýldik polısııa batalonynyń qyzmetkerleri azamattardyń avtokólik quraldarynyń salonynda balalardy tasymaldaý erejelerin saqtaýyn qadaǵalaý boıynsha is-sharalardy turaqty túrde júrgizedi.
О́tken jyly 1000-nan astam júrgizýshi arnaıy balalardy ustaıtyn qurylǵylarsyz balalardy tasymaldaǵany úshin ákimshilik jaýapkershilikke tartyldy.
"Jol júrisi týraly" Qazaqstan Respýblıkasy Zańynyń talaptaryna sáıkes kólik quralynyń júrgizýshisine balalardy ustap turatyn qurylǵy nemese kólik quralynyń konstrýksııasynda kózdelgen qaýipsizdik beldiginiń kómegimen balany ustap turatyn ózge de quraldar bolmaǵan kezde, al mehanıkalyq kólik quralynyń aldyńǵy oryndyǵynda balalardy ustap turatyn qurylǵy bolmaǵan kezde 12 jasqa deıingi balalardy tasymaldaýǵa tyıym salynady.
Tártip saqshylary barlyq avtokólik júrgizýshilerine osy máselege kóńil bólýge jáne balalarynyń densaýlyǵy men ómirin qorǵaýǵa shaqyrady.