Nıderland premer-mınıstri Mark Rıýtte jáne úkimettiń barlyq músheleri otstavkaǵa ketti, dep habarlaıdy Egemen.kz «Kommersant» basylymyna silteme jasap.
Jaqyn arada úkimet basshysy korol Vıllem-Aleksandrǵa petısııa joldaıdy. Sodan keıin ol baspasóz máslıhatyn ótkizedi. Mınıstrlerdiń otstavkaǵa ketýine balalar járdemaqysyna qatysty daý sebep bolyp otyr.
Volkskrant basylymynyń jazýynsha, úkimettiń otstavkaǵa ketkenine qaramastan, naýryzdaǵy saılaý belgilengen kúni ótedi.
«TASS» agenttiginiń habarlaýynsha, bir aı buryn Nıderland parlamenti tekseris júrgizgen, soǵan sáıkes eldegi kóptegen ata-analar balalar járdemaqysy júıesin asyra paıdalandy dep orynsyz aıyptalǵan. Aıyptalýshy ata-analar memleketke tólengen járdemaqyny qaıtarýǵa májbúr boldy. 9000-nan astam otbasyǵa jalǵan aıyp taǵyldy.
Mark Rıýtte úkimetti 2010 jyldan beri basqaryp keledi. 2006 jyldan bastap ol «Bostandyq pen demokratııa úshin halyqtyq partııasynyń» jetekshisi.