Shymkentte buqaralyq sportty damytý maqsatynda birqatar jobalar iske asyrylmaq. Prezıdent tapsyrmasyna sáıkes, shaharda 2021 jyly sport nysandaryn damytý boıynsha 115 zamanaýı sport alańy salynady. Sport alańdary ýorkaýtpen aınalysýǵa arnalǵan sporttyq jabdyqtarmen jáne dene jattyǵýlaryna arnalǵan aımaqpen jaraqtandyrylady, dep habarlaıdy Egemen.kz
Sondaı-aq, bıyl Qajymuqan atyndaǵy ortalyq stadıon, keshendi joǵary sport sheberligi mektebi, №17 fýtboldan sport mektebi ǵımarattaryn qaıta qurý jumystary júrgiziledi.Shymkentte buqaralyq sportty damytý maqsatynda birqatar jobalar iske asyrylmaq.
Prezıdent tapsyrmasyna sáıkes, shaharda 2021 jyly sport nysandaryn damytý boıynsha 115 zamanaýı sport alańy salynady. Sport alańdary ýorkaýtpen aınalysýǵa arnalǵan sporttyq jabdyqtarmen jáne dene jattyǵýlaryna arnalǵan aımaqpen jaraqtandyrylady. Sondaı-aq, bıyl Qajymuqan atyndaǵy ortalyq stadıon, keshendi joǵary sport sheberligi mektebi, №17 fýtboldan sport mektebi ǵımarattaryn qaıta qurý jumystary júrgiziledi.
Shymkent qalasynyń dene shynyqtyrý jáne sport basqarmasynyń basshysy Oleg Pochıvalov atqarylǵan jumystar jáne aldaǵy josparlardan habardar etti. 2020 jyldyń qorytyndysy boıynsha qalada dene shynyqtyrýmen jáne buqaralyq sportpen qamtylǵan azamattar sany 324690 adam nemese qala turǵyndarynyń 30,6 %-yn qurady. 2019 jylǵa qaraǵanda 30202 adamǵa artty. 2021 jyly dene shynyqtyrýmen jáne sportpen shuǵyldanýshylar kórsetkishin 31 %-ǵa ulǵaıtý josparlanýda.
Qalanyń demografııalyq kórsetkishteriniń ósýi jaǵdaıynda 2021 jyldyń sońyna qaraı sportqa 335 myń adamdy tartý kózdelýde. Basqarma basshysynyń aıtýynsha, jastar arasynda salaýatty ómir saltyn qalyptastyrý, jastardyń bos ýaqytyn tıimdi uıymdastyrýda qaladaǵy 151 mekteptegi 117 725 oqýshylar arasynda sport túrlerinen (fýtbol, voleıbol, basketbol, shahmat) Shymkent jastar lıgasyn ótkizý josparlanýda. Lıgaǵa 15 myńǵa jýyq jastar qatysady dep kútilýde.
Budan bólek, memlekettik-jekeshelik áriptestik tetigi aıasynda 2021 jyly Shymkent qalasynyń dárigerlik - dene shynyqtyrý dıspanserin jańǵyrtý, Shymkent qalasynyń oqý-jattyǵý prosesteri men sporttyq is-sharalaryna qatysatyn sportshylar úshin tamaqtandyrýdy uıymdastyrý jobalary usynylyp otyr. Búginde qalada memlekettik jekeshilik-áriptestik tetigi arqyly 5 sport mekemesi jumys isteıdi. Ondaǵy jalpy shuǵyldanýshylar sany - 1624.