Aqtóbe qalasyndaǵy №51 mektep-gımnazııasynyń elektrondy poshtasyna mektepte jarylǵysh zat bar ekeni týraly habarlama kelip tústi. Polısııa ókilderi 600-den astam adamdy evakýasııalady, dep habarlaıdy Egemen.kz QazAqparatqa silteme jasap.
Oblystyq PD baspasóz qyzmetiniń jetekshisi Erbolat Sarqulov: «Barlyq shuǵyl qyzmet dereý oqıǵa ornyna shyqty. Oqýshylardy, oqytýshylar quramy men ózge de qyzmetkerler evakýasııalandy. Barlyǵy 600-den astam adam qaýipsiz jerge kóshirildi. Arnaıy bólimshe saperleri ǵımarattaǵy jarylǵysh qurylǵylardy anyqtaý úshin tekserý júrgizdi», dep aıtyp ótti.
Jarylǵysh qurylǵy tabylǵan joq. Atalǵan fakti boıynsha sotqa deıingi tergeý bastaldy. Polısııa departamenti kúdiktini anyqtaý jáne ustaýǵa baǵyttalǵan jedel is-sharany jalǵastyryp jatyr.