Qazaqstanda menshik qaýipsizdigin qamtamasyzdandyrý maqsatynda jeke qaýipsizdik qurylymdary men «kórshilik qadaǵalaý» júıesi qarastyrylady. Bul týraly Ishki ister mınıstrliginiń ókili Nurdildá Oraz aıtty, dep habarlaıdy Egemen.kz
- 2021-2023 jyldarǵa arnalǵan menshikti qorǵaý baǵdarlamasy bekitildi. Ol azamattardyń turǵyn úıi men múlkin qorǵaýǵa jeke qaýipsizdik qurylymdaryn belsendi tartýdy, «kórshilik qadaǵalaýdy» engizýdi, zardap shekkenderge keltirilgen zııannyń ornyn toltyrý úshin múliktik saqtandyrýdy, sondaı-aq dabyl júıesin qoldanýdy kózdeıdi, dedi Nurdildá Oraz.
Ol urlyq qylmystyń keń taralǵan túri bolǵandyqtan polısııa bul baǵytta belsendi jumysyn jalǵastyratynyn eske saldy.
Sonymen qatar brıfıngte pandemııa kezinde onlaın-qyzmetterdiń keńeıýimen ınternet-alaıaqtyqtyń ósýi kóp baıqalǵany týraly da málimet aıtyldy. IIM ókiliniń aıtýynsha, osyndaı qylmystarǵa qarsy da shara kórilmek. Ol úshin arnaıy baǵdarlama ázirlengen.
Aıda ORALBEK