Memleket basshylary da shet qalǵan joq

BUU Bas hatshysy Antonıý Gýterrısh: «COVID-19-ǵa qar­sy vaksına rekordty mer­zimde jasalǵanymen, álem jurtynyń qam­tylýy birkelki emes. Baqýat­ty elderde ekpege qol jetkizý qıyndyq týdyrmasa, kedeı memleketterde kerisinshe vaksına joq. Bul vırýstyń memlekettik shekaraǵa táýeldi emes ekenin bilemiz. Sondyqtan álem kósh­bas­shylary birinshi kezekte kúres­tiń alǵy shebinde júrgen medı­sına qyzmet­kerleriniń ekpeden ótýin jáne bárine bir­deı qoljetimdiligin oılaýy kerek», dedi pan­demııaǵa qatysty ótken aptada bolǵan vırtýaldy is-sharada.

DDU alǵash maquldaǵan Phi­zer/BioNTech shyǵarǵan vaksına­ny jeltoqsannyń ortasynda Iz­raıl premer-mınıstri Bı­nıamın Netanıahý men eldiń den­saýlyq saqtaý mı­nıstri tike­leı efırde saldyrdy. «Bul – adam­zattyń den­saý­lyǵy men ómi­ri úshin qa­jet, ekpe sal­dyry­ńyz­dar», deıdi olar.

AQSh prezıdenti Djo Baıden de mindetine kirispesten buryn tikeleı efırde ekpe jasatyp: «Bylaısha, ádeıilep jalpy jurtqa áıgilep saldyrýymnyń sebebi erteń vaksına jalpy jurtqa qoljetimdi bolǵanda halyq odan kúmándanyp júrmesin, daıyn bolsyn dep jasattym», dedi. AQSh vıse-prezıdenti Kamala Harrıs te vaksınalaýdan ótti.

Jyl basynda Túrkııa prezı­denti Redjep Erdoǵan qytaılyq preparat Sinovacty saldyrsa, Gvıneıa prezıdenti Alfa Konde de reseı­lik ǵalymdardyń ónimi «Spýtnık V» vak­sı­nasyn jasatty. Pfizer vaksınasyn saldyr­ǵandardyń qatarynda Rýmynııa prezıdenti Klaýs Iohan­nıs, Slo­vakııa pre­zıdenti Zýzana Chapý­tova, Grekııa prezıdenti Katerına Sakellaropýlý, Chehııa prezıdenti Mılosh Zeman bar. Al 9 qań­tar kúni Uly­brıtanııa patshaıymy Elızaveta II men onyń jubaıy prıns Fılıpp te vaksına jasatty. Alaıda Býkıngem saraıy olardyń qaı vak­sınany saldyrǵany jaıynda málimet bergen joq.

Jer júzindegi katolıkterdiń bas ordasy Vatı­kan da vaksına jasatýdy qoldap otyr. Rım pa­­pasy Fransısk ózi alýymen bir­­­ge bar­lyq dindes baýyrlaryna «Etıkalyq turǵy­dan barlyq adam ekpe alýy tıis dep sanaı­myn, sebebi siz ózińizdiń ǵana emes, jaqyn­­da­ryńyzdyń da ómiri men den­saýlyǵyn qa­ter­ge tigesiz. Son­­dyqtan ekpe jasatý – paryz», deıdi.

Slovakııa prezıdenti Zýzana Chapýtovanyń vaksınany ekinshi ret saldyrǵany jaıynda habar­la­ǵan baspasóz hatshysy Martına Strıjenes prezıdenttiń 27 jel­toq­sanda al­ǵan alǵashqy ekpeden soń bulshyqetteri aýyryp, shar­shaý belgileri baıqalǵanyn, biraq ondaı bolatyny jaıynda medık­terdiń aldyn ala eskertkenin jetkizdi.

Argentına densaýlyq saqtaý mı­nıstri Hınes Gonsales Gar­sıa Alehandro «20 qań­­tarda Po­sa­das atyndaǵy aýrýhanada «Spýt­­nık V» vaksınasy doza­syn el prezı­denti Alberto Fernan­des­pen birge aldym», dep jazdy Twitter-degi paraqshasynda. Ar­gen­­tına prezıdenti vaksına sal­dyrýǵa eldiń densaýlyq saqtaý mınıstrligi 60 jastan asqan adam­darǵa ek­pe saldyrýǵa bolady degen qorytyndysy shyq­qan soń ja­satypty. Al jasy 60-tan asqan al­ǵashqy ekpe jasatýyshynyń qataryn Býenos-Aıres provın­sııa­synyń densaýlyq saq­taý mınıstri Danıel Gollan tolyqtyrǵan.

«Spýtnık V» bul elge alǵash jet­ken vak­­sına ekenin aıta ketken jón. Reseıdiń Tike­leı ınves­tısııalar qory Argentına úkime­timen preparattyń 10 mln doza­syn jetkizý jóninde shart ja­sasqan eken. Sonyń alǵashqy 300 myń partııasy byltyrǵy jel­toqsanda jetkizilip, 29 jel­toq­sannan Ar­gen­tına medısına qyz­met­kerlerin vaksınadan ótkizýdi bastap ketken.