Birer kún buryn Shveısarııanyń Non qalasynda ÝEFA Jasóspirimder lıgasyna qatysatyn komandalardyń jerebe tartý rásimi ótti. Atalǵan dodada bıyl «Qaırat» klýbynyń jasóspirimder komandasy baq synaıdy.
Jerebe qorytyndysy boıynsha «Qaırattyń» 1/32 fınaldaǵy qarsylasy Moldovanyń «Sherıf» klýbynyń jastary bolady. Eki ujym arasyndaǵy match Moldovada ótedi. Týrnır erejesine sáıkes jeńimpaz komanda tek bir oıyn nátıjesi boıynsha anyqtalady. Pleı-off kezeńiniń alǵashqy satysyndaǵy oıyndar 2 jáne 3 naýryz kúnderine belgilengen.
Jarystyń 1/32 jáne 1/16 fınaldyq kezeńiniń matchtary eki baǵytta júrgiziledi. Alǵashqysy ár eldiń chempıondary arasynda, ekinshisi Chempıondar lıgasy jolymen júzege asady. Al 1/8 fınaldan bastap joldar biriktiriledi. Aıta keteıik, Almatynyń «Qaıraty» byltyr el chempıonatynda top jarǵandyqtan, onyń jas fýtbolshylary ár eldiń chempıondarymen kúshtini anyqtaýǵa qatysady.