Almatyda barlyq emdeý mekemelerinde medısınalyq qoqysty zararsyzdandyratyn sehtar ashylatyn boldy. Bul týraly qalalyq Sanıtarııalyq-epıdemıologııalyq baqylaý departamentiniń basshysy Jandarbek Bekshın aıtty, dep habarlaıdy Egemen.kz
Sanıtarlyq dárigerdiń aıtýynsha, qalada medısınalyq mekemelerde medısınalyq qoqysty zararsyzdandyratyn arnaıy sehtardyń qurylysy bastalǵan. Iаǵnı, medısınalyq qoqystar endi qashyq jerlerge tasymaldanbaıtyn boldy.
«Pandemııa bastalǵaly beri jeke qorǵanys quraldaryn joıý máselesi ózekti bolyp tur. Buryn medısınalyq qoqystar syrtqa shyǵarylyp órteletin. Qazir emdeý mekemeleriniń qasynan zararsyzdandyrý sehtary salynyp jatyr. Tasymaldaýdy qajet etpeıtin joıý júıesi qazir ınfeksııalyq aýrýhanalarda tıimdiligin kórsetýde. Jaqynda osyndaı sehtar 15 emdeý mekemesinde paıda bolady», dedi Jandarbek Bekshın Atameken Business telearnasynyń tikeleı efırinde.