Elordada qala ákiminiń orynbasary Bahtııar Mákenniń tóraǵalyq etýimen Qoǵamdyq densaýlyq saqtaý basqarmasynyń Alqa otyrysy bolyp ótti, dep habarlaıdy Egemen.kz
Otyrysta medısınalyq qyzmet kórsetý, Jol kartasynyń oryndalý barysy, sondaı-aq Áleýmettik medısınalyq saqtandyrý qory Nur-Sultan qalasy boıynsha fılıalynyń 2020 jylǵy jumystarynyń qorytyndysy men 2021 jylǵa arnalǵan jospary tyńdaldy.
2020 jyly 142,8 mlrd.teńge mólsherindegi somaǵa qyzmet kórsetildi. Onyń ishinde TMKKK aıasynda – 93,5 mlrd.teńge, MÁMS júıesinde – 49,3 mlrd.teńge jumsalǵan.
2021 jylǵy 1 qańtardaǵy jaǵdaı boıynsha Nur-Sultan qalasynda: turǵyndar sany 1 179 953 (QR boıynsha - 18 852 802), olardyń ishinde 645 007 turǵyn jeńildigi bar sanatqa jatady, bul barlyq turǵyndardyń 55%-na jýyq, olar úshin jarnany memleket tóleıdi. 380 265 - jaldamaly jumyskerler; 115 921 - jeke kásipkerler men azamattyq-quqyqtyq shart negizinde jumys isteıtinder; biryńǵaı jıyntyq tólem boıynsha jarna aýdarǵandar - 134 737; óz betinshe jarna tóleıtinder sany - 20 076.
Nur-Sultan qalasy boıynsha saqtandyrylǵan turǵyndar sany - 966 204, saqtandyrylmaǵandar – 213 749.
Nur-Sultan qalasy boıynsha 2017 jyldyń 1 shildesi men 2020 jyldyń 31 jeltoqsany aralyǵynda medısınalyq saqtandyrý úshin jınaqtalǵan jarnanyń jalpy somasy 58 mlrd teńgeden asady.
2020 jyldyń qańtar-jeltoqsan aılarynda medısınalyq saqtandyrý úshin elordalyqtar 27,7 mlrd teńgeden asa jarna aýdarǵan.
«Sońǵy derekter boıynsha, Nur-Sultan qalasynda barlyǵy 33 585 ShOB sýbektileri tirkelgen, olardyń ishinde 20 107 - aqparattyq júıede óz derekterin jańartqan, al 13 478 - aqparattyq júıede óz derekterin áli jańartpaǵan. Shaǵyn jáne orta bıznes ókilderi ár aıdyń 25-ine deıin jeńildikti sanattaryna jatatyn óz qyzmetkerleriniń derekterin (JSN) msb.fms.kz siltemesi boıynsha "Saqtandyry" aqparattyq júıesine engizip, jańartyp otyrýy tıis.
Derekter ýaqytyly engizilmegen jaǵdaıda, qyzmetkerler saqtandyrý mártebesiniń bolmaýyna baılanysty MÁMS júıesinde medısınalyq kómekke júgine almaýy múmkin» dep túsindirdi «Áleýmettik medısınalyq saqtandyrý qory» KEAQ Nur-Sultan qalasy boıynsha fılıalynyń dırektory Nurlybek Qabdyqaparov.