Bıyl memlekettik apparattyń qosalqy qyzmetterin ortalyqtandyrý jáne ońtaılandyrý júrgiziledi. Bul týraly Úkimet otyrysynda QR Ulttyq ekonomıka mınıstri Áset Erǵalıev aıtty, dep habarlaıdy Egemen.kz
«Bıýdjet qarajatyn únemdeý maqsatynda bıyl memlekettik apparattyń qosalqy qyzmetterin ortalyqtandyrý jáne ońtaılandyrý júrgiziletin bolady. Bul kadrlar, qarjy jáne ákimshilik-sharýashylyq, sondaı-aq IT-qamtamasyz etý salalaryn qamtıdy. Osyǵan baılanysty naqty merzimderin kórsete otyryp, qosalqy qyzmetterdi ortalyqtandyrý jáne ońtaılandyrý jónindegi sharalardy iske asyrýdyń jol kartasy ázirlenedi», dedi mınıstr.
Onyń aıtýynsha, osy aıdyń sońyna deıin memlekettik jáne jekemenshik operatorlardy qurýǵa moratorıı engizý týraly Prezıdent Jarlyǵynyń jobasy ázirlenedi.