Osydan bir aı buryn áleýmettik jeliler men messendjerlerdiń bárinen áskerı kıim kıgen jaýyngerdiń Ramazan Stamǵazıev oryndaıtyn «Darıǵa dáýren» ánin áýeletip aıtyp jatqan beınerolıgi qyzý talqyǵa túsedi, dep habarlaıdy Egemen.kz
Jurttyń barlyǵy bul rolıkti ózderine júktep, bir-birimen bólisip jatty. Eń qyzyǵy, jaýynger Ulttyq ulannyń qataryna qyzmet atqarýǵa kelipti. Múmkindikti paıdalanyp, biz rolıktiń keıipkerimen áńgimelestik. Sonymen el arasynda «Sary bala» bolyp tanylǵan sarbaz kim?
Qatardaǵy Aleksandr Averkıev Ulttyq ulannyń elordalyq jedel brıgadasy – 5573 áskerı bóliminde qyzmet atqarady. Oqý pýnktinde alǵashqy áskerı daıyndyqtan ótip jatyr. Áskerge deıin Shýchınsk qalasynyń Joǵary pedagogıkalyq kolledjinde sabaq bergen, sodan keıin Astrahanka aýylynda klýb meńgerýshisi boldy. Oqý ordasynda bilim izdeýshilerdi vokaldyq ónerge úıretti. Búgingi qoǵamdaǵy aqparattyq tehnologııalardyń mýzykalyq ındýstrııadaǵy orny men róli týraly dárister oqydy. Jastardy án oryndaýǵa úıretti. О́zi de kóp izdendi. Búgingi tańda Soltústik Qazaqstan oblysyndaǵy joǵary oqý oryndarynyń birinde bilimin jalǵastyryp jatyr.
«Jastardy ónerdiń joǵary deńgeıine degen súıispenshiligin ashý kerek. О́ıtkeni joǵary óner ǵana máńgilik. Qazirgi kezde jeńil-jelpi mýzyka jetkilikti. Olar basynda jaqsy estilýi múmkin, keıinde óz tyńdarmandaryn ustap tura almaıdy. Al klassıka eshqashan óziniń mańyzdylyǵyn joǵaltpaıdy. Sondyqtan qatarlastaryma halyqtyń súzgisinen ótken dúnıelerdi tyńdaýdy, damytýdy jáne aıtýdy usynar edim. О́zim de vokaldyq turǵydan sapaly ári halyqtyń júreginen ótken dúnıelerdi oryndaımyn», deıdi jas óren.
Biz Aleksandrdyń jas ta bolsa, talǵamy joǵary bolǵanyna tańdana qaradyq. О́zi jas ári bilimdi azamat jaqsy tárbıe kórgen. Biz odan týyp-ósken ortasy, jalpy mýzykaǵa, sonyń ishinde qazaq ánderine degen qyzyǵýshylyq qalaı paıda bolǵany týraly aıtyp berýdi suraǵanda ol bylaı dep jaýap berdi.
«О́zim osy Aqmola oblysy Astrahanka eldi mekenin týmasymyn. Jastaıymnan ónerge jaqyn bolyp óstim. Jaqyndarym meni ár túrli óner úıirmelerine bergen. Sonyń ishinde vokal úıirmesi janyma jaqyn keldi. О́zimdi osy mýzykadan taptym. Birde vokal boıynsha ustazym Záýre Muhamedjanova meniń qazaq tilinde aksentsiz án aıtatynymdy kórip, maǵan joǵary tonaldy ánderdi oryndaýǵa keńes berdi. Sol ózime unaǵan ánniń biri - Ramazan Stamǵazıev oryndaıtyn «Darıǵa dáýren» áni boldy», dep aǵynan jaryldy Aleksandr.
Rolıkti kórgen kórermenderdiń kóbisiniń kókeıinde turǵan saýaldardyń biri «Sary bala qazaq tilin túsinbese, qalaı osy óleńdi naqyshyna keltirip oryndaıdy?». Osy týraly ulandyq jaýynger bylaı syr shertedi.
«Men ózim Qazaqstan Respýblıkasynyń azamaty retinde memlekettik tildi erkin meńgerýim kerek. Dostarym maǵan qazaq tilin úırenýge kómektesti. Dostar arasynda aýyzeki tilde jaqsy sóılesemiz. Tildi tereń bilmesem de, áńgimelesýge sóz qorym jetkilikti. О́leńdi tolyq túsinbeı, ony óz júreginen shyǵaryp oryndaı almaısyń. Júrekten shyqqan án ǵana júrekke jetedi. Keıin áleýmettik jelilerge, «You Tube» vıdeohostıngine qazaqsha oryndaǵan ánderimdi saldym. Maǵan kóptegen adamdar jyly pikirler jazdy. Qazaq tildi tyńdarmandarym maǵan «Sary bala» degen at berdi. Keıin «You Tube»-taǵy arnamdy «Sary bala» dep aýystyrdym. Bir baıqaǵanym, qazaqsha óleńderdiń qudireti myqty. Maǵan shetelde turatyn qazaqtar men burynǵy Qazaqstan turǵyndary habarlasty. Los-Andjeleste, Germanııada, Reseıde turatyn qazaqstandyqtar habarlasyp, «Seniń ánderińnen qazaq dalasyn kórgendeı boldyq», «Otanymyzdy esimizge túsirdiń» deıtin pikirler aıtty. Men, árıne, osy pikirlerge qýanyshtymyn. Bul maǵan qosymsha kúsh beredi. Meni tildi jaqsy úırenýge, jańa óleńder oryndaýǵa yntalandyrady. Ásker qatarynda júrip te ónerimdi jetildirýge tyrysamyn», deıdi Aleksandr Averkıev.
Ásker demekshi, jaqyn ýaqytta Aleksandr Áskerı ant qabyldap, tolyqqandy Otan qorǵaýshylardyń qataryn tolyqtyrady. Alaıda, qazirdiń ózinde Ulttyq ulan qatarynda júrip, kóptegen jańa dúnıelerdi úırengenin aıtady. Sonyń ishinde tártip pen eljandylyq tárbıeniń orny erekshe.
«Áskerı ujym – jaýyngerlik otbasy sekildi. Sen jalǵyz emes, qarýlastaryńmen birgesiń. Qarýlas joldastaryńmen Otan qorǵaýǵa daıyn bolýyn kereksiń. Alǵashqy áskerı daıyndyqtan barshamyz birge ótemiz. Bilmegenimizdi bir-birimizge úıretemiz. О́ıtkeni, onsyz ujym bolmaıdy. Áskerge óz erkimmen suranyp bardym. Barar aldynda ınternet arqyly ásker túrleri týraly aqparat jınadym. Kóz aldyma Ulttyq ulan jaýyngeri Denıs Iаkovlevtiń beınerolıgi keldi. Ol qazaqtyń qasıetti dombyrasymen halyq ánderin oryndady. Onyń ústine adam ómirin saqtap qalǵan erjúrek azamat eken. Men de Denıs sekildi Ulttyq ulan áskerinde qyzmet atqarǵym keldi. Adam nege umtylady sol oryndalady degen ras sekildi. Men elordanyń qasyndaǵy 5573 áskerı bólimine Otan aldyndaǵy boryshymdy oryndaýǵa keldim. Osy áskerı bólimde Ulttyq ulannyń án-bı ansambli ornalasypty. Dál osy ansamblde Denıs Iаkovlev qyzmet atqarady eken. Bolashaqta múmkindik bolsa, Denıspen bir sahnada qazaqtyń halyq ánderin oryndasam deımin. Men eń birinshi kezekte jaýyngermin. Dese de, múmkindik taýyp áskerı ónerpazdardyń qataryn da tolyqtyrǵym keledi. Tek Ulttyq ulanda osyndaı azamattar qyzmet atqarady eken», deıdi jaýynger.
Qatardaǵy Aleksandr Averkıev áskerı qyzmetin jańa bastaǵan jaýynger. Azamattyq ómirdegi tanymaldyǵy onyń qyzmetine oń áserin tıgizbese, zııanyn tıgizbesi ras. «Halyq pen ásker bir» demekshi, áskerı ortadaǵy Aleksandrdaı ónerpazdar halyq pen ásker arasynda ornaǵan altyn kópir bolatynyna kámil senemiz. О́nerli jastarymyz kóp bolǵaı!