Shavhat О́temisov QR Ekologııa, geologııa jáne tabıǵı resýrstar mınıstrliginiń apparat basshysy bolyp taǵaıyndaldy, dep habarlaıdy Egemen.kz
Shavhat О́temisov 1963 jyly Batys Qazaqstan oblysynda dúnıege kelgen. 1985 jyly A. Pýshkın atyndaǵy Oral pedagogıkalyq ınstıtýtyn, 2000 jyly QR Prezıdenti janyndaǵy Memlekettik qyzmet akademııasyn támamdaǵan.
Eńbek jolyn 1985 jyly Oral oblysy Chapaev aýylyndaǵy orta mektepte tarıh pániniń muǵalimi bolyp bastady.
1987-1992 jyldary komsomol organdarynda jumys istedi. Osy kezeńde Chapaev aýdandyq komsomol komıtetiniń komsomol uıymdary bóliminiń nusqaýshysy, meńgerýshisi, Oral oblystyq komsomol komıtetiniń uıymdastyrý-odaqtyq jumys bóliminiń nusqaýshysy, meńgerýshisi, hatshy-meńgerýshisi bolyp jumys istedi.
1992-1994 jyldary Oral oblystyq ákimshiliginiń jastar isi jónindegi komıtetiniń tóraǵasy bolyp jumys istedi.
1994-2000 jyldary Batys Qazaqstan oblysynyń jastar isi, týrızm jáne sport basqarmasynyń basshysy, týrızm jáne sport basqarmasynyń basshysy boldy.
2000-2001 jyldary Batys Qazaqstan oblysy teleradıokompanııasynyń tóraǵasy boldy.
2001-2002 jyldary — Batys Qazaqstan oblysy ákiminiń orynbasary.
2002-2006 jyldary Batys Qazaqstan oblysy Aqjaıyq aýdanynyń ákimi qyzmetin atqardy. 2006-2007 jyldary — Batys Qazaqstan oblysy ákiminiń orynbasary.
2007-2011 jyldary — QR Parlamenti Májilisiniń IV shaqyrylymynyń depýtaty, Ekonomıkalyq reforma jáne óńirlik damý komıtetiniń múshesi.
2012-2016 jyldary — QR Parlamenti Májilisiniń V shaqyrylymynyń depýtaty, Ekologııa máseleleri jáne tabıǵat paıdalaný komıtetiniń hatshysy.
2016-2021 jyldary — QR Parlamenti Májilisiniń VI shaqyrylymynyń depýtaty, Ekologııa máseleleri jáne tabıǵat paıdalaný komıtetiniń múshesi.