Shymkent qalasyndaǵy onkologııalyq ortalyqta qaterli isikti erte satysynda anyqtaıtyn teńdesi joq qurylǵy ornatylmaq. Zamanaýı pozıtrondy-emıssıondy tomografııa (PET) apparaty memlekettik-jekeshelik áriptestik aıasynda qolǵa alynǵan. Bul joba Shymkent qalasy densaýlyq saqtaý basqarmasy men «MedInvestGrýp Kazahstan» JShS-i arasynda túzilgen kelisimderge sáıkes júzege asyrylyp otyr, dep habarlaıdy Egemen.kz
Bul – onkologııalyq naýqastardy dıagnostıkalaý jáne emdeýdiń jańa tehnologııalyq ádisi. Iаǵnı, kózge kórinbeıtin jáne basqa da ádistermen baıqalmaıtyn qaterli isikterdi tabady jáne aǵzaǵa janama ásersiz sanaly emdeıdi. Onkologııalyq aýrýlardyń paıda bolýyn erte satysynda anyqtap, naýqastardyń ómir jasyn uzartýǵa múmkindik beredi. Qazaqstanda bul qondyrǵylar Almaty jáne Nur-Sultan qalasynda ǵana bar.PET-ortalyqta jylyna 3549 adam qaterli isik derti kórsetkishteri boıynsha tekserýden ótip, em qabyldaı alady.
Investor apparatty ornalastyrý, ony kútip-ustaý, personaldy oqytý mindettemelerin óz jaýapkershiligine alyp, turǵyndarǵa sapaly medısınalyq qyzmet kórsetýdi josparlap otyr. Bul qadam Shymkenttiń keleshekte aımaqtaǵy iri medısınalyq ortalyq retinde qalyptasýyna múmkindik beredi.
Aıta ketý kerek, atalǵan joba kepildendirilgen tegin medısınalyq kómektiń kepildendirilgen kólemi jáne mindetti áleýmettik-medısınalyq saqtandyrý júıesi arqyly iske asady.